媽媽前兩日係福建返左黎

佢返黎個朝早我訓到12點..

起身見到佢  好開心..成10幾日無見

但係見到佢係係度玩緊QQ...同埋FACEBOOK..

同佢打左聲招呼..

佢第一句同我講.."保安高校你報名搞掂晒未啊!"

個一刻..心情好複雜..唔知點講

呢幾日其實都唔係幾舒服..

個日成日吽係屋企..

佢就話"明知自己引體向上唔得仲唔去練?!...去松山跑下步都好.."

個刻真係扯晒火

好直咁同佢講左我心入面GE感覺

其實我唔想去考!  想平凡D過..雖然未必真係會考到..

佢又即刻鬧我..

自從知道報考保安高校開始..同佢關係就慢慢轉差..

或者係自從佢用QQ同FACEBOOK之後LA..我都分唔清..

每日放工..就對電腦..玩qq facebook...

呢牌佢同我GE談話內容..6成講保安高校..2成問字詞GE速成碼..1成係嘈交內容..

仲有個1成..就係平時GE對話...我真係覺得好奇怪..點解會變成咁

雖然個個母親都想望子成龍...但係會唔會太離譜AR!!!?

我都分唔清楚係我GE唔成熟..定係佢GE太執著..

今朝起身

好唔舒服..頭痛喉嚨痛..  妹妹話中午自己搞掂..

就出去左媽媽公司幫佢手~

我起身ON左MSN..但係頂唔住..好辛苦..

又去訓..訓到1點幾2點..好肚餓

個刻..我諗到GE係我媽媽...唔知點解

可能呢d就係人ge天性掛..好想依賴人好唔想獨立..但係又要爭取獨立..好搞笑

成日以為自己大個仔

原來仲係小朋友..haha...

起身落街買飯

順便問墮LIN借左件白色恤衫開工..

我樓下燒味飯$14  祐漢個邊$11...

我就行左個去買...慳到3蚊..都好有成功感!

haha  覺得自己好似個師奶^^ 

諗返起我媽媽應該會係每樣野都係咁格價...haha..

不過條路真係覺得比平時長左好多

又曬又熱!  個頭又暈..

返去食飯..啪粒藥..又去訓...訓左20分鐘..返工

call埋雷國...正..一齊搭車..佢今日生日^^  happy birthday~

返到去..今日超多人..好多野做..

好快就好攰好攰..

可能係因為食左粒藥  又可能係因為真係今日太多野做..

今日拍+豪同埋黃英傑

佢地有講有笑

又講唱k..又講扯煙..又講飛車..又講溝女..

唔知點解我有一刻好替佢地悲哀

唔通一定要飲酒.食煙.溝女先叫青春??!

唔怕講埋...前兩個禮拜..我姑丈過左身  肺癌..60歲都未到..

因為食煙太多..

我媽媽返福建ge原因..因為我公公肺癌..返去照顧佢..又係食煙太多..

我真係好唔鐘意人食煙..我好驚我爸爸有一日都會咁..

我都知我身邊有好多朋友食...我好希望佢地真係吾好再食..咁後生..食到幾時??

唔想你地有一日都係咁

其實只係會令你身邊ge人麻煩同擔心..

抒解壓力..fine  搵過第二種方法都得姐...right..?

唉..唔係好明你地係點諗?

今日返工真係覺得好無助好孤獨好攰

死捱難捱終於放工

自己一個搭車返黎

條路好長

好攰好想訓覺  但係訓左會無人叫我落車..=(

諗返媽媽都係咁捱10幾20年

又諗到自己將來都係要咁...

仲諗左好多好多好多ge野

返到屋企

媽媽已經訓左

聽爸爸講..佢返福建差唔多日日通宵照顧公公..

啊..! 唉

諗返自己

咪又係每日打波..開電腦..上facebook..

我有乜資格埋怨人

或者我地真係缺乏溝通

以為參加多d活動可以增長知識..

屁! 其實到頭來都係係原點  而且失去比得到還多!

或者應該聽媽媽講...一開始就應該搵份工..好好做

吾好好似e+咁...吊兒郎當

又窮又無錢用!!

人愈大..愈有自己ge想法

同媽媽意見不合ge情況愈黎愈多

或者可能我反叛期e+先開始

haha!  成日以為自己諗野好成熟

其實都唔係..仲係好幼稚! 

陪伴屋企人ge時間已經開始唔多la..

一定要好好珍惜..當你以為..

以為仲有時間ge時候

一切都會過去 會消逝  唔會等你

唔好以為仲有好多時間..

e+雖然係同娘親成日嘈!!

但係從今日起...要更愛我媽媽!!! (希望啦__)

懷緬過去,把握現在,展望將來!