又過去5年啦，突然又記番起有這麼一個小角落

Qooza某程度上真係陪伴我從男孩到男人

開心吾開心，無聊幼稚成熟，愛恨情仇

都可以係呢度搵到

2019年我抱得美人歸啦😁😁

她，是一個特別的女孩，是一個純真的女孩

是我愛的女孩，是我想要保護的女孩

2021年我們的寶寶出生了

但自從有了孩子，我的女孩一躍要成為女人

自此磨擦多左，矛盾多左

是不習慣 是無奈 是逃避

no no no 我更覺得是挑戰

需要在衝擊 迎合 與妥協中找到新平衡

儘管好多好多外在條件都不那麼友善 沒有太多支援的情況下

希望你同我都有呢個共同諗法>< I'll be right here with you

我都會好好努力進步 學習當好的丈夫 當好的Baba

你吾好對我感到絕望啊T. T

2019年新冠病毒tm橫空出世

一擾攘就係3年，大大減慢左文明發展的步伐

會吾會係大自然比人類的訊號，要我們「慢」落黎呢? (純9up) 

結果係呢個時候 人類仲要挑起埋戰爭（俄烏）不能理解

人類除左總是犯相同的錯誤，而家仲要自取滅亡

身處的澳門，可能真係蓮花寶地

幾波疫情變種以黎都無係澳門爆發，得零星個案

亦可能要歸功於政府有錢任性的防疫政策措施

但經過呢3年，都差吾多搣乾搣淨

差吾多要同其他地區「平起平坐」咁抗疫

要考慮點樣經濟化抗疫 黎緊係點 真係無人知啊

乖乖地做白老鼠做大數據打疫苗啦唯有

而家做緊隔離病房 其實都算係高壓環境下去執行任務

尤其做完一系列野之後 第二日同你講：琴日個條友陽性，數值仲顯示病毒量好高添

成日都驚吾小心中招，登埋報紙事少，返吾到屋企事大

但係咁ge狀況下

依然見到入住隔離病房的人為數不少都係*奇葩*

真係一樣米養百樣人，大開眼界

唉，好啦

而家住宿舍，閉環管理

零晨5點半，訓吾著

報告完近況，一陣9點去撩個核酸睇下有無奶野先

仲有2個星期，撐住呀。。。