計下計下..大大話話都放左成個月假...

由聖誕節開始計..雖然中間都要去考試..但係都係差吾多咁過

有咩感覺 有咩得著..sorry 真係無

真係經歷左一個月ge空虛期咁

咩印象都無

我記得ge就係係威記連返10幾個鐘第二朝又要直踩個種痛苦

真係無謂..無乜意義..

今日有返鏡平 今日係師生同樂日

返到去見到好多鏡平ge學弟妹

佢地真係同樂 玩得好開心

唔知我個時係咪都係咁開心呢

真係吾係好記得la....

啱啱先攞住問媽媽攞ge一皮野...再去銀行自己掏錢禁多2400出黎去交第二學期ge學費

交個一剎那有d感慨...原來我讀書係要洗咁多錢

呢牌屋企又真係有d困難 好多地方都要洗錢...遲d可能真係書都無得讀

返到屋企..第一個時間上facebook

見到d同學話理工校網有成績公開

懷住既興奮又愉快ge心情去睇

睇完真係懊惱左

final exam ge分真係好似股市咁一落千丈..

可能真係放假心都散晒...

再諗下我除左一返屋企剩係識開電腦同埋上網..咩都唔識..

個一刻真係好想屌柒自己

可能d分對於好多人黎講可以過得去

但係我覺得我自己可以做得更好

屋企人咁辛苦賺錢比我讀書,我吾比心機讀真係無謂..

由開始懂事到而家都同自己講要預習要比心機讀書

點知每次都係臨測臨考前一晚先開工..真係好差

覺得以前自己真係太傻太天真

好多野事不關己,,真係己不勞心..

無話,,有d關己ge都唔勞心...

引用方生個句..."船到橋頭自然直"..我成日都咁覺得,,包括而家呢刻都咁認為.

以前成日覺得自己係天之驕子咁 乜都有人舖好條路.

原來唔係...如果唔係而家負擔真係可以唔洗咁重!!  講起真係扯晒火

唉..過左去就算la..

希望以後真係可以生生性性