今日，我搭緊車番學果陣叫Ｋａｕ幫我拎番件校褸。

　　　　　王西又冇番，超正。

　　中文堂－－　王西冇番，有個老師黎代下堂咁

　　　　　　　　肥傑同大頭掉左位，肥傑同我一齊傾下計

　　　　　　　　我部計算機俾小牛畫到花哂．．．．．．

　　英文堂－－　大黃一上堂就講番琴日班友「出貓」的事

　　　　　　　　聽人講佢琴日仲要哭埋出黎

　　　　　　　　佢講完之後，繼續教書

　　　　　　　　我訓左覺。

　　數學堂－－　佢今次教Ｄ數，我終於都識喇。

　　普通話堂－－　楊皓瑜超白痴，李俾左舊好似餅的擦膠俾佢

　　　　　　　　　佢就扮唔知咁食左，跟住掉左舊擦膠落街

　　　　　　　　　跟住搞到李、ｓｈｅｒｍｉｎｇ同埋周係度勁笑

　　　　　　　　　但係，其實我覺得ＥＤ只不過係楊皓瑜係度扮野的表現姐．．．．．．．

　　世史堂－－　另一個Ｍｉｓｓ黃又冇番，鍾Ｓｉｒ上黎教數學

　　　　　　　　我識哂佢而家教Ｄ數（只係今日識，之前果Ｄ唔識．．．．．）

　　地理堂－－　因為地理轉左用英文教的關係

　　　　　　　　所以我上堂都留心左，我覺得用英文教真係好過用中文教

　　　　　　　　因為有Ｄ人英文方面唔係咁好，咁我可以成績好Ｄ．．

　　放左學，鍾Ｓｉｒ叫我聽日交番功課俾佢

　　Ｋａｕ上網亂做ＢＣＡ，做得超快．．．．．．

　　之後，我同肥傑同埋Ｋａｕ一齊去左新屯打左一陣波

　　我打打下波，成個人跣左係地下，之後仲要撞到個膝蓋

　　搞到超痛，咁我見隻腳咁痛，所以同肥傑同埋Ｋａｕ一齊搭車番屋企

　　但．．．竟然李又係去左新屯打籃球，真係．．．．．．頂！！

　　我而家終於諗到點打「每日一句」

　　　每日一句：「新電腦就來到，但我竟然想買ｘＢＯＸ３６０！」

　　英文堂－－　今日就係默書喇，楊皓瑜超白痴

　　　　　　　佢本來想俾黃雪抄默書，但係

　　　　　　　俾我係後面抄哂，哈哈！！

　　ＤＴ堂－－　張Ｓｉｒ又係度扮哂惡咁

　　　　　　　成班繼續串佢，張ｓｉｒ繼續扮野

　　中史堂－－　留心聽書啦，我最愛的中史！

　　音樂堂－－　今日，我要報告我舍音樂報告喇，哈哈

　　　　　　　　我係報告李克勤果首「花落誰家」

　　　　　　　　我仲要唱埋出黎，我好想知Ｄ同學覺得我唱成點．．．．

　　物理堂－－　今次默書我識得一半半

　　　　　　　　成班都要留堂改番正

　　　　　　　　改緊正果陣，陳樂兒、魚同埋黃雪走黎問我係唔係鍾意李．．．．．．

　　　　　其實，個答案超明顯，我唔明白點解佢地仲要問

　　　　　　　但係，果陣我答左唔係，佢地其實應該都知道我係吹水

　　　　但，佢地仲要問：「你個日記Ｄ野唔通都係假？」

　　　　　我聽完之後覺得好無奈．．．．．．

　　　　　　　　我做到五點就走人

　　　　　　　　黃上黎捉人，佢話有四個人「出貓」

　　放左學，我地去睇下果個人點樣，我聽到大黃罵到超大聲

　　仲要串串地咁．．．．．

　　之後，我同肥傑一齊去新屯打波，果個陳皓揚真係超ＰＫ

　　打波果陣勁用過肘推開我，我衝埋去上籃果陣

　　佢又故意用隻腳黎整趺我，我成個人趺左落地下，超痛呀，佢戇９架

　　丁今日又勁番，佢Ｄ狀態可能又好番．．．．．．

　　我Ｄ射波準番好多喇，我想我自己打波打得全面Ｄ呀。

　　今日，去左兆山球場苦練左一陣射波

　　跟住，我同裕一齊去左新屯鬥波

　　見到丁樂琳，超想嘔！！

　　同左班「爛仔」鬥波，佢地都幾好波

　　我聽到班人講：「你去ｍａｒｋ住王子啦！」

　　我而家先知道原來香港人Ｄ英文真係好勁。

　　哈哈！

　　今日，同Ｋａｕ去左旺角

　　佢陪左我去地鐵站交收先

　　我地又係度行下街咁

　　我地去左間韓國料理度食野

　　間野幾好食架，哈哈！！

　　跟住佢又去左睇曼聯Ｄ野．．．．．．

　　俾我發現度一間賣ＮＢＡ波衫的舖頭

　　果間野係信和中心果邊

　　但係Ｄ波衫全部都係Ｄ出名球員

　　我地又去左深水土步睇電腦

　　我而家唔知買ＸＰ好定係Ｖｉｓｔａ好？？

　　但係我真係好唔鍾意Ｖｉｓｔａ

　　就黎有新電腦，正！！

　　世史堂同埋中文堂

　　都係因為老師喉嚨痛

　　所以唔洗上堂，正！

　　我勁睇小說，哈哈。

　　　放學果陣，我整濟個頭一下

　　佢爆左句粗，跟住俾李元鏡聽到

　　佢話因為我整佢，所以我令到佢爆粗，痴線！

　　佢交左俾訓導處理。

　　程Ｓｉｒ罰我地要作篇文，題目係「論粗言穢語」

　　我俾哂濟作，我地完全係俾人屈。

　　俾佢罰完，我地去左新屯打籃球

　　同左班甲一打波，班友超勁

　　傳波的力度係我地的兩倍

　　同班甲一打波真係榮幸呀！！