早會－ 成班老師落哂去有蓋操場
討論流感果Ｄ安排，我地係班房度傾計。
今日有五個人冇番學，全班被逼戴口罩。
地理堂－ 我好留心咁聽佢教書
唔知點解我好似愛上左地理咁！
歷史堂－ 今日先交番功課
原來仲有幾個人都係冇交
楊皓瑜仲未做，佢俾人罰企，抵死。
生物堂－ 陳星輝話要掉位
我都係繼續同肥傑坐
同肥傑坐真係超正！
數學堂－ 鍾Ｓｉｒ都病左，唉，平時鍾ｓｉｒ好少唔番學架！
有個老師黎代堂，我就係度訓覺。
中文堂－ 係度做聆聽練習，王西又係度睥我
我又睥番佢，佢又冇罰我．．．．．．
曾勝智上堂訓左覺，王西就拎粉筆黎掉佢
我勁火，係火到想出去串佢！
王西痴線架，佢而家針對打籃球果班人
我好佩服佢可以一次過針對咁多個男仔。
佢唯獨偏幫柯鍵澎。
Ｌｕｎｃｈ－ 俾李嘉俊同埋梁家泓報我串
佢地話我同肥傑係ＶＡ室度玩掂風扇
跟住肥傑即刻告番梁家泓玩咪。
我出左去打波，完全唔知發生過咩事。
直至我番黎，Ｄ同學同我講番發生過咩事
全靠Ｄ同學同我講番。
係果日我仲要幫過李嘉俊，
我唔明點解佢可以恩將仇報囉。
化學堂－ 曾勝智昆我，如果睇左琴日的日記就會知道佢會昆我乜野
佢搞到我差Ｄ哭出黎，好彩冇哭到出黎。
搞到我成堂冇講過野，用手語黎講野．．．．．．
留左成個鐘堂黎做番哂Ｄ化學功課。
我係教員室出面見到Ｍｉｓｓ梁，我衝口而出叫佢做Ｃｈｅｍ梁
仲要叫左幾次，Ｄ學生聽到係咁係度笑．．．．．．
跟住佢叫我唔好咁樣叫佢．．．．．．
去左新屯打籃球，我開頭打得超差
之後就打得好番Ｄ，打到成八點鐘，同肥傑、Ｋａｕ番屋企
今日我的心情真係超差！！
|
