英文堂－ 今日原來係要做Ｎｅｗ Ｃｕｔ的Ｏｒａｌ
我唔記得要做，上堂即刻做
跟住大黃抽人出黎讀，好彩抽唔到我姐。
Ｋａｕ係冇準備的情況之下就俾人抽左出去
結果，佢得４／１５分．．．．．．
ＤＴ堂－ 陳一欣代第一堂ＤＴ
我係度聽下歌，同班友吹下水咁
但係去到第二堂，鄭太黎代堂
我見到佢就即刻收番埋部電話同埋耳筒
搞到超狼狽，我超驚俾佢收電話。
中史堂－ 今日要小測，好彩我有背到
如果唔係就要留堂默番果Ｄ
音樂堂－ 今日，李、奸商、女班長、Ｃ朗條女同埋朱古力都要出黎報告
奸商係報告果陣同埋唱果陣都扮到好似好串咁
Ｃ朗條女係報告途中俾Ｍｉｓｓ叫停，話下堂再出黎報告
朱古力係唱歌果陣都幾好聽，但係都唔夠我唱得好聽，哈
女班長我就不予置評
李係唱歌果陣，我地得好少同學聽到佢有唱。
今日，又要出十五分鐘去全班罰企
之前果陣我上網睇下ＮＢＡ，金塊贏１６８－１１２
物理堂－ 張Ｓｉｒ話我遲交功課
佢叫我聽日去搵佢，因為佢要罰我．．．．．．
放左學，我就同肥傑一齊去友愛體育館度睇學界丙組
開頭得我地兩個男仔，之前勝智佢地黎左
我唔係好識佢地，肥傑又同佢地傾下計
所以我係度扮自閉，可能因為我平時上堂都係扮自閉
我而家真係可以超耐唔講野都得．．．．．．
今日女丙打得超差，成隊波Ｄ失誤又多
最後佢地輸左幾分，個教練超火。
男丙今日對呂祥光，呂祥光個中鋒真係打得超好
但係ＳＨＤ的團隊打得仲好
所以ＳＨＤ贏左幾分。 |
