英文ｘ２－　兩堂都係度同Ｋａｕ傾計

　家政ｘ２－　今日要整薯茸，我同杜毓昇都唔記得落Ｄ調味料同埋隻蛋落去

　　　　　　　所以，我預料個薯茸係超級難食同埋冇味的。

　中史－　今日派卷喇，果陣我的心情都好緊張

　　　　　我本來以為自己有八十分或以上，可惜，我都係得七十八分

　　　　　不過，我都係中史全班第三高分架喇，好開心。

　音樂－　傾計　＋　同杜毓昇係度玩。

　Ｌｕｎｃｈ－　同林文、丁丁、Ｋａｕ、肥傑一齊係樓梯度食飯盒。

　 我食完午飯，去左上網睇ＮＢＡ比數，知道活塞贏左，我好開心

　物理ｘ２－　上左堂一陣，張Ｓｉｒ話我同肥傑都要調位，因為我地成日都傾計

　　　　　　　派卷果陣，我以為自己都會唔合格

　　　　　　　點知，我竟然有５８分，果陣我真係喜出望外，仲開心過中六合彩。

　放左學，我同一大班人去左湖月籃球場果度打波，本來有一球上籃我一定入

　點知，陳皓揚一野撞埋黎，我又唔夠佢重，佢搞到我成個人都趺左落地下

　　果陣我真係嬲，但係我都冇打佢（我好少會打人），打完籃球番屋企。

　　我發覺我而家真係超大食，食左一個面、一個蛋撻再加少少零食都唔夠飽

　　我就黎會變成一個死肥仔。

　　我乜功課都未做，今晚一定要做哂Ｄ功課。

　　　每日一句：「我不期求什麼，我只希望你每天都能快樂。」

　今日全日都在屋企自閉，成日都打機。

　我而家走籃成日都錯步。

　　我今日作左好多首詩，聽日我俾大家睇一睇。

　每日一句：「你像磁石一樣，一開始便被你吸引住了。」

　今日朝早就去左賣旗，我賣得好少。

　賣完旗同Ｋａｕ、裕同丁去左市中心睇野

　我地去Ｍ記食野時，我見到卡洛Ｂ，我當時都唔知講乜野好。

　唉，之前搞左單杰野搞到佢嬲左我．．．．．．．

　　之後，我地去左買ＮＢＡ　Ｔ－ｓｈｉｒｔ，我想買帝王(Kings)但係就冇

　所以我就冇買到喇，之後裕就自己番左去屋企，我地三個去左我屋企開Ｐ

　　我終於知道原來丁丁玩Ｍｏｔｏ　Ｇｐ都唔弱架ｗｏ（但佢始終都係差過我）

　打完機，Ｋａｕ又走先，我同丁丁去左兆安度打籃球

　　我穿件Ｐｒｉｎｃｅ（普林斯）去打波，我同丁丁十分有默契

　　我地３ｏｎ３果陣，敵方有個肥婆而我又要ｍａｒｋ住佢，我都唔知點ｍａｒｋ佢

　所以我只係在佢面前用投籃干擾就算，好彩佢狂炒粉。

　　之後，我地２ｏｎ２，我同丁丁一組

　　我地俾人敵方話我同丁丁好似樣，點解個個都認錯架！！

　　我地丁丁好有默契，所以我地贏哂其他隊

　　直至我地輸左一局，我地就各自番屋企。

　　每日一句：「柑桔乂檸檬做了大膽的一步，亦是最錯的一步。」

　地理－　今日派卷，我地理得７６分，我都算係高分架喇

　　　　我未試過地理高過７５分

　歷史－　我今日又係派卷，我歷史有９６分，超高分呀。

　　　　　我就係衰左兩題ＭＣ，好唔抵呀。

　　　　　楊皓瑜有９７分，高過佢就可以串死佢。

　生物ｘ２－　份卷７２分

　數學－　鍾Ｓｉｒ冇番，成班人係度抄野

　中文－　聽書．．．．．．

　化學ｘ２－　今日派卷，我得５８分，好彩都合格

　　我計左我Ｅ幾科的平均分，我有６８.３８分

　放左學同裕、Ｋａｕ去左我屋企打機，裕睇到訓左覺

　　之後去左打波，我地行到間小學門口前，有十個爛仔行過

　　我見到佢地睥住我，我就行快幾步，但係裕同Ｋａｕ仲係慢慢行

　　之後，成班爛仔圍住佢地，又問佢地跟邊個、又問裕做乜撞佢（其實係果個人撞佢）

　　我見到咁樣，我都唔知有咩反應，我望住佢地。

　　跟住一班年輕人就拉開佢地，叫佢地唔好打。

　　跟住班人就走哂喇。

　　我地去左打籃球，打完我地就番屋企。

　　　每日一句：「愛情的關鍵係兩人的相處、足球的關鍵係十一人的合作、籃球的關鍵係五人的默契。」

　中文ｘ２－　派左閱讀卷，我得５０／１００

　　　　　　　應該緊緊合格，對成績完全唔滿意。

　英文－　派左閱讀卷呀，有２７／４０，我超開心未試過英文會咁高分

　　　　　聆聽卷（默書）有３７／６０，都算係高分架喇。

　電腦－　聽書

　數學ｘ２－　又派測驗卷，得１０５／２００

　　　　　　　我又係極度唔滿意。

　通識ｘ２－　超眼訓，訓左一陣就俾人叫番起身。

　英文會話－　聽書............

　　放左學，同Ｋａｕ去左屯門市中心度睇野。

　　我諗住聽日買件Ｔ－ｓｈｉｒｔ，個圖案係ＮＢＡ球隊黎的

　　唔知買咩隊好，又想買帝王隊、小馬、火箭同埋馬刺

　　大家俾Ｄ意見，四選一。

　　每日一句：「希望你病能快好。」