今日十點俾Ｋａｕ嘈醒，佢黎我屋企打機先
打到十二點去左食野，見到有個女人食左幾啖飯就冇食到
我覺得佢真係哂野同埋好哂錢。
下午三點同Ｋａｕ、裕、恆搭車去旺角買野
我地到左旺角，我地唔識行去波鞋街
好彩我地亂行都行到去波鞋街，本來我想買對ALL-Star
但係Ｄ鞋真係好樣衰，所以我就冇買到
我去左成十五間舖頭都搵唔到有ＮＢＡ波衫
但我終於搵到一間，但係得麥基迪、76人Iverson、Bulliups
所以我都冇買到，又俾我搵到另一間NBA專門店
果度有超多件波衫，最後俾我買左件細碼活塞的普林斯(Prince)
 
我做左活塞王子．．．．．．
Ｅ件波衫要成六百蚊，俾錢果陣都肉痛。
Ｋａｕ就買左成一千蚊野，因為佢買左兩對鞋。
買完野我地去左好景商場買翻版。
買緊翻版果陣，我見到有個賣四仔的老闆捉住個廿幾歲的男仔
問佢買唔買四仔，佢仲話係冇格仔。
搞到個男仔即刻跑走左．．．．．．．
Ｅ個情景我諗起都覺得好好笑
結果我買左四隻翻版，價值＄１００
買完同Ｋａｕ搭６３ｘ番屋企。
我搭緊巴士果陣，我覺得超眼訓，眼訓到我覺得十分頭痛。
我今日用左成七百蚊，我要每日食飯盒先可以補得番果七百蚊。
每日一句：「成日串人可能令人覺得佢乞人憎。」
 四蚊一個野食，垃圾食物
|
