昨天係我返垃圾更的第三天

我前日放工之後返到屋企好早就訓左

訓到 11 點幾發左個笑夢 ... 笑醒左 ... 發咩夢就唔鬼記得左

之後小左個便就繼續訓 ... 訓 ar 訓

訓到 ar 婆黎 ... 沙皮狗係咁係到咆哮 ... 哮醒左我

我睇一睇電話 ... waaa ... 5:10

我返 6 : 00 ... 5 : 10 先起身 ... 之後拿拿琳去刷牙洗面

刷完洗完就打電話返公司借鐘

返到公司見到原來 ar 聲頂左我一粒鐘

之後因為好肚餓所以叫左外賣炸餃食

我同 ar 卿食緊果陣 ... ar 聲行埋黎叫我餵佢食

我死都唔肯 ... 佢就係到扁咀

之後 ar 卿就話 [ 話晒佢病都頂左你一粒鍾 ... 餵佢食舊 la ]

我好快手咁將舊炸餃塞左入佢個口

廢事俾人見到又俾人講

之後 ar 卿話 ar 聲因為感冒所以周身痛

偷左契媽 d [ 脫虎海 ] 黎貼係條頸

hahaha ... 正一傻仔

到左 12 點 ... ar 卿放工之後我就拍住契媽

唔知點解 ... 契媽無啦啦又講返起 8 號風球果日

又問我果日返夜冇巴士點返工 ... 問我係唔係搭的士

我話唔係 ... 有人車我返

之後佢又問我私家車定電單車 ... 我話私家車

之後佢又問我係唔係男朋友 ... 我話唔係 ... 係同事

提起男朋友 ... 之後又提返我之前果個

又係咁問我有冇復合 ge 機會

我心諗 : 我叉知咩 ... 又唔係我話事

唯有答句唔知就算

之後佢又一直問一直問 ... 問問埋 d 無聊野

所以我一路都 ... 唔係咁鍾意拍住佢

哎呀 .... 重有大把日子拍住佢 ... 都唔知點捱