前日 ar 滿因為收早 ... 所以我叫佢買奶茶俾我同 ar 萍飲

佢原本唔肯的 ... 講多兩講之後又話去買

佢放 6 點 ... 我等到 7 點鐘都未見人 ... 我都已經對佢絕望 ga la

之後打電話俾佢 ... 又冇人聽 bo

男人 10 個 9 個都信唔過 ... 我心諗

唔買米算 lo ... 洗唔洗咁都講大話 wo ... 冇 d 口齒

諗住第二日插佢一鑊甘的

點知到左 8 點鐘左右 ... 我同小強傾緊電話之際

ar 滿拎住 2 杯奶茶企係我即邊

唔知點解 ... 我一見到佢 ... 有一種唔知點形容 ge 感覺

係一種好想陰陰咀笑 ge 感覺

雖然陰陰咀笑 ... 但係笑左一笑之後我都鬧左佢一大餐

因為我見佢 d 頭髮成隻鬆毛狗咁我已經知

佢一定係返左屋企之後沖完涼先買返黎

大熱天時 ... 沖完涼先去買米等於冇沖過 ... 正一傻仔

琴晚我沖涼果陣 ... 我聽到雯雯同媽咪傾計

又係到講雯雯之前個 bf 果 d 野

我覺得雯雯對住爸爸媽咪真係可以咩都講

即使係 d 咩魚野 ... 佢都唔會介意同爸爸媽咪講

佢重未放得低之前個 bf ... 佢都可以同爸爸媽咪傾

但係我就連喊都唔想俾爸爸媽咪知

因為我唔想佢地擔心我 ge 野 ... 我想話俾佢地知 ... 我已經大個女

我同之前果個男朋友分開左之後

其實我一直都放唔低 ... 一直都好想打電話俾佢

一直都好想過去搵佢 ... 好想佢會識得諗返轉頭

但係我好驚煩親佢 ... 好驚阻住佢 ... 好驚佢唔想見到我

好多我所想 ge 野 ... 都只係得個想字

冇真正咁做到 ... 亦都冇實現到

e d 野 ... 我都係收埋係個心入面 ... 冇同任何人講過

當我好想搵佢 ge 時候 ... 我就會 sms 俾某人

問某人做緊咩 ... 之後傾傾埋 d 無聊野

盡量唔俾自己再去諗佢

計起上黎 ... 我同佢都已經分開左半年 lu

係 e 半年入面 ... 我對佢都已經開始漸漸咁淡忘

可能覺得越黎越冇希望

所以都已經唔會再成日去諗佢 ... 只係有時無意間會諗起

但係就真係唔敢再拍拖

暗地裡鍾意人就會有 ... 但係當對方明示 ge 時候

我就會扮乜都唔知

明明想再拍拖 ... 但係偏偏唔敢再踏出多一步

唉 ... 幾時先可以再投入下一段感情 ... 救命 !!!

終於都俾我等到 7 號 la

今次係第一次同公司 d 同事去食 buffet

因為今日我同 ceci 都放假

所以諗住早 d 起身 ... 同 ceci 行完街先去搵其他人

但係因為今朝放工返到屋企之後諗住打陣機先訓

點知 ... 打到 12 點幾先訓

我已經教左鬧鐘 ... 諗住會準時起身

點知鬧鐘響左幾次 ... 我都唔捨得起身

係咁訓 ... 訓到 7 點幾先捨得起身刷牙洗面沖涼

攪掂晒之後去左信達搵 ceci 佢地

原本諗住行下街 ... 點知過到去已經 8 點幾

所以好快速咁行左幾個圈就算

之後就拿拿琳去搵埋肥媽一齊上去

上到去俾我 ge 感覺就係 ... 個場好細

擺野食果到都好細

而且 d 野食 ge 款式都唔夠新葡多

可能係價錢 ge 差別

但係都食到好好好好好好飽

重有得抽獎 ... 我諗住我都唔會有抽獎命

點知真係抽中左我 ... 我諗住唔認

點知佢地個個都推我出去

想唔認都唔得

食完之後大家都各散

但係我 ... ar 萍重有 ceci 就送左肥媽返工先

之後 ar 萍同 ceci 就陪我等埋巴士先走

咁辛苦等 e 日假 ... 咁就過左

昨天係我返垃圾更的第三天

我前日放工之後返到屋企好早就訓左

訓到 11 點幾發左個笑夢 ... 笑醒左 ... 發咩夢就唔鬼記得左

之後小左個便就繼續訓 ... 訓 ar 訓

訓到 ar 婆黎 ... 沙皮狗係咁係到咆哮 ... 哮醒左我

我睇一睇電話 ... waaa ... 5:10

我返 6 : 00 ... 5 : 10 先起身 ... 之後拿拿琳去刷牙洗面

刷完洗完就打電話返公司借鐘

返到公司見到原來 ar 聲頂左我一粒鐘

之後因為好肚餓所以叫左外賣炸餃食

我同 ar 卿食緊果陣 ... ar 聲行埋黎叫我餵佢食

我死都唔肯 ... 佢就係到扁咀

之後 ar 卿就話 [ 話晒佢病都頂左你一粒鍾 ... 餵佢食舊 la ]

我好快手咁將舊炸餃塞左入佢個口

廢事俾人見到又俾人講

之後 ar 卿話 ar 聲因為感冒所以周身痛

偷左契媽 d [ 脫虎海 ] 黎貼係條頸

hahaha ... 正一傻仔

到左 12 點 ... ar 卿放工之後我就拍住契媽

唔知點解 ... 契媽無啦啦又講返起 8 號風球果日

又問我果日返夜冇巴士點返工 ... 問我係唔係搭的士

我話唔係 ... 有人車我返

之後佢又問我私家車定電單車 ... 我話私家車

之後佢又問我係唔係男朋友 ... 我話唔係 ... 係同事

提起男朋友 ... 之後又提返我之前果個

又係咁問我有冇復合 ge 機會

我心諗 : 我叉知咩 ... 又唔係我話事

唯有答句唔知就算

之後佢又一直問一直問 ... 問問埋 d 無聊野

所以我一路都 ... 唔係咁鍾意拍住佢

哎呀 .... 重有大把日子拍住佢 ... 都唔知點捱

今天係返垃圾更的第一天

朝早 9 點放工 ... 去銀行入完錢買埋早點返到屋企

已經 10 點幾 ... 食飽之後攪 e 樣攪果樣

就差唔多 11 點先訓

訓左落床之後典下典下 ... 典到唔知幾點

發覺唔係幾眼訓 ... 之後再玩下 nds

玩 ar 玩 ... 玩到 1 點幾之後睇下電話有冇咩特別

點知 ar 偉原來琴晚打過 2 次俾我

我 sms 返俾佢之後就訓左

訓到 3 點幾 ... 唔知樓上定樓下鑽野

wa ... 嘈到仆街 ... 好似係我即邊鑽緊咁

一醒左就覺得周身都好痕咁 ...  r 到又紅又興

之後又典 ar 典 ... 終於典到 4 點幾

起身沖涼準備返工

沖完涼吹頭果陣 ... 對眼皮好似千斤重咁

超級眼訓 ... 返到公司

覺得 david 佢地都好陌生 ... 可能因為兩個月冇見 ge 關係

見到 ar 滿 ... 因為肚餓諗住 r 杯奶茶飲下

點知佢話聽日先 ... 今日好累 ... 唔去買

雖然今日有人請食 m 記 ... 但係要等到 11 點先拎黎

唯有同 ar 萍佢地傾下計 ... 分散注意力

好彩拎黎果個野都有 d 良心 ... 早左 半個鐘黎到

6 點捱到 10 點半 ... 終於有野落肚

食 ar 食 ... 食飽之後就去訓教 ... 訓醒之後一身鬆晒

真係第一次覺得轉大更辛苦

大前日發左個好惡好惡 ge 夢 ... 真係嚇到我係個夢到嗌晒救命

個夢 ge 詳細內容就係

『 我係一間屋入面 ... 果間屋唔知係唔係佢地宿舍

但係我就從未見過

我諗住出門口走 ge 時候見到彊屍仔

佢唔俾我走 ... 之後我就走左入廁所鎖住道門

點知佢撬爛道門下面走入黎

wa ... 嚇到我係個夢入面嗌救命 ... 之後有兩個人入黎捉住佢

我就乘機走左 ... 走走下 ... 又見到彊屍仔係我後面

我好驚 ... 之後走左上一間夜總會咁 ge 野到交數

交完數落返黎見到彊屍仔俾幾個大隻佬捉住左

有個重好似想郁佢咁添 ... 之後 』

我就俾雯雯嗌醒左

我諗 ... 我發 e 個夢 ge 原因係因為果日放工

見到佢明明已經走左 2 - 3 個字

我先走 ... 但係又俾我係樓下見到佢等過馬路

2 - 3 個字 ... 點會行得咁短路程

我越行得慢 ... 佢就越行得慢 ... 同埋佢好鍾意行我前面

跟住尾都唔在講 ... 要行我前面督眼督鼻

可能佢想人地話我跟住佢放工呱

我之前有同小強佢地講彊屍仔 d 野 ... 叫佢地話下佢

冇起色唔在講 ... 琴日重要叫彊屍仔報客俾我

聽到佢把聲已經憎 ... 重要講到超級快

快唔緊要 ... 重要講到打晒 cake ... 應報又報 ... 唔應報又報

俾我屌撚到佢化 ... 真係好好好好嬲

之後我鬧小強 ... 鬧佢有心玩野 ... 叫個戇嘟 ge 報客

之後小強話唔係佢玩野 ... 而係大佬叫俾佢報

因為下個月彊屍返早 ... 要幫手報客

所以俾佢實習 ... 聽到彊屍下個月返早 ... 個心即時涼晒

下個月唔洗見到彊屍 ... 開心

因為咁樣鬧一鬧小強 ... 又同佢講返野 lu ... hoho