我同佢分開左都好幾日 lu
我同過好多人傾訴過
但真係喊晒咁講 ge ... 就只有對住我 ar 妹
以往傷心 ge 感情事就會同家姐講
但係 e+ 家姐大個女 ... 有自己 ge 愛巢同埋自己 ge 感情事
我果 d 都唔敢再煩佢 ... 唔講 ... 我又驚我會癲
所以我唯有轉移目標向我個妹傾訴
對住我個妹講 ... 我會係咁喊 ... 係咁喊
因為我覺得對住個妹 ... 完全冇壓力 ... 所以我放鬆自己
想喊就喊 ... 盡情咁喊 ... 盡情咁講 ... 所以佢係第一個知
之後第二個知道 ge 就係公司 ge 小萍
因為佢條仔都係 hk ... 所以佢有時都會問我同條仔 d 野
一講之下 ... 小萍就知道左 ... 之後講下講下
counter d 人大部分都知道晒
佢地都好錫我 ... 叫我睇開 d ... 唔好諗咁多 ... 話我重後生 
之後佢地又會同我分享返佢地 d 經歷
我最記得就係契媽同我分享佢以前失戀
因為佢讚我叻女 ... 失戀都咁堅強撐得住返工
佢話佢曾經試過失戀之後喪玩左一年先企得返起身返工
佢話我雖然面色係差左 d ... 但係都重撐到個笑樣返工
話我好叻女 ... 我心諗 ... 我喊到收唔到聲果陣你又見唔到姐
其實我媽咪唔知算唔算第三個知 ... 因為我一直都冇同媽咪講我同佢分開果 d 野
只係媽咪見佢冇搵我 ... 我又冇搵佢
媽咪已經估到 ... 只係唔開口問
之後到我主動提起 ... 話俾媽咪知 ... 媽咪就開始安慰我
我唔想媽咪擔心我或者為我覺得痛心
所以我同媽咪傾計 ge 過程中 ... 我只係眼濕濕
但係就一滴眼淚都冇流過
因為唔想俾傷心果面媽咪睇
我知媽咪已經跌晒眼鏡 ... 媽咪以為佢會對我好好
以為佢會好錫我 ... 點知攪檀咁 ge 野
我真係覺得好對唔住爸爸媽咪
上次帶返屋企果個 ... 一睇已經唔順眼
今次 e 個 ... 各方面都好 ... 但係唔知點解 ... 個結局都係一樣
令到爸爸媽咪一次又一次咁失望 ... 真係好對唔住 
佢曾經都有話過唔會唔要我 ... 所以我毫無保留咁去愛佢
但係到最後 ... e d 咁 ge 所謂諾言全部變晒謊言
我唔可以怪任何人 ... 要怪 ge 就只可以怪自己太蠢 ... 咁易信人
... 對唔住