琴日我又拍住契媽 ... 佢無啦啦同我講

佢下一年要大出血

我問佢點解 ... 佢話佢下年一月 ... 佢家姐個女結婚

重話出席 D 結婚場合 ... 要著得體 D 先過到自己果關

所以要買過一套晚裝 ... 之後又要做禮金

之後佢又話佢家姐個女係澳門人

而佢家姐個女婿就係香港人 ... 所以一月就係香港註左冊擺左先

之後先再係澳門擺

唔知點解 ... 聽到係異地婚姻 ... 我覺得好開心

原來異地戀真係會有結果的 ... 好可惜 ... 我得唔到

我真係好羨慕人地 ... 點解可以雙方都維持到咁耐 ... 重要結婚

琴日係公司睇報紙 ... 見到有篇係講“會計之花”

果篇野講一個做會計 ge 女仔

因為佢男朋友要同佢分開下 ... 而跳軌自殺

果時我係到諗 ... 原來 E 個年代重有 D 咁痴情 GE 人

之後又諗返我個妹雯雯

佢暑假果陣又同佢男朋友仔分左手

到 E+ 都重係好傷心 ... 小小事諗返起佢就會眼濕濕

我成日都安慰佢 ... 叫佢睇開 D

重用我自己黎做例子

但係雯雯就好似成日都覺得佢地會有機會一齊返咁

其實如果一齊返咁又點呢 ??

保證到唔會再分開咩 ??

我份人比較諗得長遠 ... 所以好鍾意諗結果 E 樣野

我都幾討厭自己諗到咁長遠

因為如果我唔會諗得咁長遠 ... 我就會玩得起 E 個遊戲

好可惜 ... 我玩唔起 ... 所以我重係一支公

琴日 ar 聲生日 ... 所以佢放假我就返早

早一個月前 ar 聲已經約定左我地去食泰國餐

所以琴日放工之後就同 ar 萍重有 ceci 去左買禮物俾佢

因為 ceci 冇乜錢 ... 所以我就同佢夾錢

買左隻銀手鐲俾佢

而 ar 萍佢地就買左銀包同蛋糕俾佢

因為訂左台係 8:30 ... 我地買完禮物之後都重有一粒鍾

所以決定行路過去 ... 行到過去超熱

重要行到肥媽對鞋個鞋爭甩埋皮 ... 哈哈哈 ... 笑死我

果間野 d 泰國野幾好食 ... 但係好辣

因為我都幾怕辣 ... 所以辣到我噴火咁滯

食飽之後 ... 就各自歸家

而 ceci 就因為返夜 ... 所以就要返工

我返到屋企 ... 沖完涼睇左陣電視就訓左 ... 重一教訓到大天光 tim

今日返到公司 ... 有個技師請我食雪梨

因為我上次切檸檬都已經切親隻手 ... 更何況幫個雪梨去皮

所以我唔敢用刀去皮 ... 洗乾淨就拎左出大堂

問下收銀有冇人肯幫我去皮

點知 ar 聲第一個出聲話佢肯 ... 我心諗

男人老狗 ... 點會識得去皮 ... 重要係用刀去皮

佢話識 ... 咁米俾佢囉去舞 lo

點知數分鐘之後佢真係囉左個冇皮 ge 雪梨返出黎

男人老狗都識 ed 野 ... 都算細心

但係就唔記得幫我分開幾分

之後 ar 萍問佢 ... 做咩唔分開埋幾分

ar 聲就話 ... e 個梨係為我而設 ... 冇諗住分俾人食

雖然我知佢把口係花 fit ... 又成日叫我跟佢返越南

但係唔知點解聽到佢咁講 ... 都會覺得開心

可能因為有人氹下自己呱

但係開心還開心 ... 我永遠都只係會當佢係哥哥

岩岩係到諗 ... 自己點解會打 bolg

黎黎去去都係得我個妹黎睇 ... 都唔知打黎為乜

黎黎去去都係得個妹安慰我

或者有時會有 d 陌路人撞入黎

睇一兩篇就走 ... comment 都唔留個

可能我真係有孤癖 ... 話唔定遲下會對住 d 公仔講野

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...

唔再玩 ...