琴日係媽咪 ge 生日 ... 媽咪生日快樂

家姐同雯雯佢地朝早同左媽咪去飲茶

而我就因為返夜收早 ... 眼訓 ge 關係就去唔到

唉 ... 一心諗住琴日會同媽咪去行街

點知一訓 ... 就訓到唔願醒

到左打邊爐果陣重要大家姐叫我先識醒

可能因為同我發左個甜夢有關

我發夢 ... 夢到 Mr.Li 攬住我訓 ... 佢又問我凍唔凍

又摸我個頭 ... 好似以前咁 ... 好 sweet

無啦啦 ... 係夢入面聽到大家姐叫我

我係咁同佢講 ...一陣先 la ...一陣先 la

點知都重係到叫 ... 撐開對眼先知大家姐叫我打邊爐

而我攬住果舊 ... 原來係張被

刷完牙洗完面 ... 見到原來大家姐同二家姐都有買野俾媽咪

係得我冇 ... 好似有 d 唔係幾好意思

所以決定聽朝出去行下 ... 睇下有 d 咩可以買俾媽咪

琴日朝早放工果陣同 ceci 佢地去左英皇到食早餐

原本諗住食點心的 ... 點知冇得食

所以唯有食煲仔飯 ... 其實我唔係幾鍾意食

所以我同肥媽重有小萍 3 個人嗌左兩個 ... 3 份食

食左幾啖之後我見到有芝士蛋糕

所以我就嗌左件 ... 好味哇

我咁大個女 ... 都未賭過 ... 琴日同肥媽佢地每人夾左 100 蚊諗住過 3 關

點知肥媽買親都輸 ... 我諗住回唔到本之際

ar 聲囉左 50 蚊出黎 ... 話幫我地回本

之後我地就去左食生果撈 ... ar 聲就去幫我地回本

食飽之後咁岩 ar 聲又返黎

佢好犀利 ... 佢真係用 50 蚊幫我回返晒本

而且重索埋餐早餐返黎 tim

到左夜晚返工果陣 ... 一返到公司有人同我講

Lily 俾人炒左 ... 原因就係因為穿公司櫃筒底 ... 俾老細知道

其實 Lily 單野已經查左幾日 ... 估唔到查得咁快

重炒得咁快

原來佢平時咁多錢去蒲 ... 全部都係公司錢

轉大更的第一天 ... 琴晚返到公司

只係一般眼訓 ... 好彩 counter 拍住肥媽同小萍

成晚係到傾傾傾 ... 盡訴心中情

點知到左 6:30 am ... 小萍放左工之後 ... 周公個仔就係咁叫我去街

waaaa ... 對眼皮真係好似千斤重咁

幾乎撐都撐唔到 ... 重猛咁係到打喊路

辛苦到不得了 ... 之後真係頂唔順 ... 坐左係張凳到

諗到閉目養小神

點知閉埋左一陣之後撐返開 ... ar 財居然企係我前面

wawawa ... 嚇到我 3 魂唔見左 7 魄

即時成個人醒晒 ... 但係醒左一醒 ... 半打鐘之後又好眼訓

7 點到 9 點果兩個鐘 ... 簡直好似過左 2 日咁

眼訓到 ar ma 都唔認得

又轉大更 lu ... 返完早一轉就返夜

都唔知要幾多日先適應到

我諗聽朝放工返到屋企 ... 成條死屍咁都似

今晚拍果個又唔係小強

真係有 d 唔習慣 ... 好驚如果俾人鬧果陣冇佢幫我

突然間一諗到返工就好緊張

今個月成個月都拍住小強

其實小強都算係一個幾順人意 ge 男仔

就係因為佢咁順我意 ... 我就成日都會發佢脾氣

佢成日都會問我嬲乜

但係佢越問我 ... 我就越唔想彩佢

我越唔彩佢 ... 佢就會越煩 ... 問到我彩佢為止

連肥媽都話佢煩過鬼

佢同肥媽講 ... 話好驚我嬲 ... 話我好難氹

星期一果日

我同肥媽講緊公司以前 d 人

之後小強問我 ... 做咩我以前做收銀果陣佢會唔識我

之後我問佢 ... 做咩要俾佢識

佢話 ... 如果以前識我 ... 就會溝我而唔溝 e+ 個老婆

( 因為佢老婆以前都係到做收銀 )

之後肥媽話 [ 你估你溝人 ... 人地實受你 ga la ?? ]

其實肥媽都講得好岩

如果 ... 果陣時係識 ge 話

我諗我地 e+ 都唔會有咁好 ge 朋友關係