凌晨三時半  好肚餓  去左廚房煮左個杯麵同拎左罐奶茶

番房就係度煲動漫

食完之後  打算番入廚房處理左D食物

就驚覺地上有一隻比中指長少少的小強

其實呢D size 係新界我見慣

但不想驚動在睡夢中的父母和兄長

只好硬著頭皮  先慢慢把廚房的玻璃門關上

找到一支殺蟲水後回來

牠就消失了

如果是以前的我

通常由佢就算

第二日同返老豆講  佢自然會消滅佢

不過為左處理我D 杯麵同奶茶

我決定鼓起勇氣

「我今晚一定要打爆你」

我一直踢廚房門

希望牠會走出來

手拿著殺蟲水

震到好似人地柏金遜咁 唔係講笑

踢了10秒有多

牠果然中計 從縫中爬了出來

我立即immediately馬上即刻

迅速打開玻璃門然後開技

追住佢黎噴

佢以為開「電光火石」就可以逃脫

但不要看小本人在LOL 、SMITE、CS 練成的獨門絕技

就是高準繩度 SKILLSHOT!

每每都是射中牠的背部

牠逃往一個小櫃下後我就停手了

由於小櫃旁是一個洗衣籃

我恐防佢裝我彈弓 爬左入洗衣籃

我異常聰明地找了一把長遮

係度怒篤D 衫

最後也沒有發現

後來我不夠力氣搬開小櫃

最後還是要驚動父親大人起身

其實早兩日父親大人在廚房中曾見過這小強的蹤影

但後來遍尋不獲

果然得來全不費功夫

今日就俾我搵到佢

父親大人一踏入廚房就說了句

「地下個D 咩水黎? 你倒瀉水?」

「唔係, 殺蟲水黎」

「下?」父親大人報以驚訝的眼神

「你噴左幾多?」

「6-7秒到」

他給我一個疑惑的樣子

父親大人搬開小櫃

見到小強原來已反肚在地上掙扎

但後面牆身都是濕的

父親大人又問我

「你做過咩黎?」

「我見佢係下面入左去, 所以就向入面怒噴」

父親大人再一次回我一個驚訝的目光

「你咁噴法人都死啦!!!」

XOX

「我係度企左5分鐘都唔舒服, 莫講話佢啦」

「邊使噴咁多, 佢HI到少少都唔掂啦」

「你收番埋支野, 我搞掂呢度得啦」

「但我殺左佢WOR」

「得啦, 叻仔, 番房打機啦你」

雖然我從小到大都是極害怕小強的

但我一向打機都係玩MAGE

只要唔使我近攻同佢搏鬥

用D 遠程魔法攻擊同佢隻揪我都係有把握的

畢竟我是SKILLSHOT 之神

 HAHAHAHAHAHA!

正。