左一「這樣轉。。。那樣下去。。。應該打得出三十萬傷害。。。」

左二「啊，他媽的，累到仆街。」

左三「如果今晚可以攬住你訓就好啦。。。
　　　　　　　　　　　　　　　　　　　　　　傻豬，係咪想一齊訓呀？
　嘻嘻，係就好啦。。。。
　　　　　　　　　　　　　　　　　　　　　　咁你聽日番幾點呀？
　10點呀，你呢。。。　　　　　　　　　　　　　　　　　　　　　」

左四「聽日考試啦頂，乜柒都未溫。。。」

左五「唉，呢幾日係咁落雨，D菜貴到十八蚊斤，點算。。。」

螢幕「戴卓爾夫人病逝，享年八十七歲」

廣播　下一站長沙灣，Xia yi zhan chang sha wan，Next station Cheung Sha Wan

左六「仲差財務公司二十萬。。。」

右一「明明個個係大陸婆，話乜野公司同事，我真係唔會信。。。為左頭家。。。」

廣播　請勿靠近車門，Please stand back from the doors.

右二「軟弱嗎，你成熟了不會失去格調吧，當初堅持還在嗎，刀鋒不會磨鈍了吧。。。」

右三「。。。。。。。」

右四「快D扮訓。。。隻腳鬼死咁痛。。。對面個兩個後生應該讓座啦。。。」

右五　屌，我去緊碼頭啦。。。得啦。。。仆街唔得呀。。。今晚實落大雨，搭帳蓬？

右六站了起來，讓了座給站著的老婆婆。