星期一同星期二下午就最得閑，因為下午唔使開會，可以早走，但跟住就日日有野做，尤其係星期三，下午要帶６年級去參觀太空館，成７點先返到學校（希望可以早ｄ喇）．唔知點解，彤彤去左日本冇番學，有ｄ掛住佢，叫邱邱請食飯又唔睬我，苑仔餐乳豬鮑翅席又未有得食，不過上左一堂，啊蕭就面青青要早退喇，祝佢快ｄ好番

　　數數手指，仲有唔夠兩個星期就要講拜拜，不過佢地每日都有新鮮野俾我食，今日就輪到呀翎同秦仔，唉．．．．．．

　　考晒試喇！改完卷喇！對完卷喇！派完卷喇！緊接而來的節目是開會！大會喇，分科檢討會！分級檢討會！一浪接一浪，非常精彩！

　　上午ge專題研習發佈會由苑仔個組（啊蕭．欣欣．曉敏．肥煬）代表，其實佢地成個計劃ge構思係全級最好ge，不過係演繹同埋時間控制上就唔及５ｅ，所以冠軍就拱手相讓喇！不過你地始終係我心目中的冠軍，尤其係欣欣ge民族服裝，係度特別鳴謝彤彤ge幫手，令到個powerpoint更加完美，順道祝彤彤旅遊愉快

　　睇番５ｃ的成績，都叫幾好喇，係級名次中有進步ge都比較多(23人)，林生ge盟主地位依然冇人可以挑戰．彤彤亦能保持水準緊隨其後，苑仔發力衝上第三，期望佢地能繼續努力！

　　午飯時間去左美樂食車仔麵，同行者有肥興同朱仔，我話每人津貼１０蚊，佢地就走左囉．５點幾開完會後俾啊翎．邱邱call左去打羽毛球，都好耐冇打，不過對手ｄ實力就．．．．所以好輕鬆，冇幾耐呀賢都黎左，原來佢要去上水表哥度，玩左一陣就走喇！

　　因為颱風關係，令到考試延長左一日，本來上星期五考完ge要到星期一先考，原定ge聯校畢業禮又唔會改期，於是乎要立刻將常識改好交俾同事核卷，就是這樣，我昨日便要忙到聯校畢業禮完左先可以食野．

　　常識卷已經改好左，雖然有人唔合格，但成績俾上一之好左，都算係佢地送俾我ge一份離別禮物啩．

　　知道左翎同彤彤關係有緩和跡象，個心都冇咁實，希望佢地兩個再停一停．想一想喇！

　　終於踏上７月喇，在五邑的日子踏上最後的階段，畢業班的離開，也正代表我也隨之而去，換來的是一點點的離愁別緒還是嘆息和唏噓！！

同一世界多少夢

學問淵博志氣隆

珍惜關懷和愛護

重重思念記心中

在這裡，我送上珍重和真摰ge祝福！！不過諗唔到ge係居然有人會同我一齊離開呢個大家庭，６ｃ係出年只係淨番３０個人，不過你地要應承我，無論如何都要做好自己的本份，不要令爸媽擔心！！

彥博精闢多學問　　苑如鳳舞飛九天

翎花飄揚現聰敏　　儀若脫兔定爭先

留贈詩歌能銘誌　　留贈心聲能銘誌

念我心聲到永恆　　念頌師恩說當年

凱歌高奏別離韻　　愷如白雪舖滿天

霖霖志高渺星塵　　盈湖秋月伴天邊

留贈詩歌能銘誌　　留贈詩歌能銘誌

念我心聲伴彩雲　　念我心聲似蜜甜

嘉許紛紛如雪湧

雯雯五邑喜相逢

留贈詩歌能銘誌

念頌師恩愛意隆

　　以為今日會好天喇，點知仲係落大雨，好似冇左以前讀書ｄ情懷．

　　幫５ｄ覆完卷，其實５ｃ科數比我想像中考得好喇，起碼比下學期測驗進步左，ｄ分數好似係191...190...189...總之就好近喇！無論如何！５ｃ一定要繼續努力呀！

展翅衝天成大業　　秀麗文章顯個性

朗朗乾坤昭日月　　芬芳人生展前程

留贈詩歌能銘記　　留贈詩歌能銘記

念頌良師心喜悅　　念頌師恩永不停

      邱邱教我玩熱舞街，係我第一次玩，可以聽音樂，幾得意丫，不過就輸好遠，悶悶地都可以玩下ge，數學改完喇，都ｏｋ喇，不過最高分就諗唔到姐，前三位都係相差一分，競爭得好激烈，祈望佢地繼續努力．

　　至於彤彤同翎ge唔開心，都希望告一段落，不過由下星期一開如，就每日都會好忙喇！

麗影翩翩現萍蹤　　　　家國毋忘天下事

華美心聲倍輕鬆　　　　興邦立志此其時

留贈詩歌能永誌　　　　留贈詩歌能永誌

念我師恩照彩虹　　　　念頌師恩莫遷移

　　每一年到了６月尾的時候，往往就是我大顯身手的一刻，為什麼？看看你就知道．．嘿！！

慧黠如風輕舞動　　　　健康生活齊共享

儀容秀美若彩虹　　　　賢才志士伴成長

留贈詩歌能永誌　　　　留贈詩歌能永誌

念記師恩愛意隆　　　　念頌良師愛飛揚

　　以前細個好鍾意八號風球，但今天的想法並不一樣，因為在考試期間發生會帶來無限影響，加上是呈分試的關係，總之一句講晒－－大鑊．．

　　唔之係唔係受彤彤同呀翎鬧翻事件影響，手背係肉，手掌又係肉，雖然出年我唔係你地班主任，但我一千萬個唔願意見到你地咁樣，我講過５ｃ你一班人，唔係３１個人，可唔可以當俾個機會我呀？ 發覺佢地冇係我個角度去諗，真的有點兒失望，唔！希望明天會更好！！

　　中學考完試喇！６Ａｄ朋友仔開始出黎活動喇，不過唔好意思，等我忙完改卷先搵得你地，稍候，ＯＫ！７月１５日約左屯小去韓燒，好似係元朗喎，開始忙於應酬喇，哈哈！又有得吹水喇！

　　今天聽到了這一首歌．歌詞很有意思，在這裡和你們分享一下

在世上有幾多歡笑，能令你安心永久，
試問誰能支配將來，永遠不必掛憂，
名和利，那天可足夠，難令你安心永久，
試問誰能擁有一切，明白眼前的不可永守。
人世間變幻，無窮變幻，今朝多少光彩在他朝失去，未會歸還，
唯有用信念，憑信念，方可以領受永恆，讓安息快樂滿心間。
在世上有幾多爭鬥，時日過血淚仍舊，
試問何時得到安寧，永遠不必掛憂，
理想那天可足夠，時日過美夢仍舊，
試問誰能擁有一切，明白歲月偏不可永久。