激死人喇,剛剛打完的文章因down而沒有了,又要做多次.......嗚嗚.....

籃球比賽和跳繩強心的工作剛做好了,星期四和星期五應該是忙得不可開交,6A就會全日跟著我欣賞籃球比賽和跳繩比賽,不過近日的天氣情況不穩定,我擔心辛苦多時籌備的活動因天雨而取消.

近日和叻妹傾得頗投契,往往將工作上的疲憊一掃而空,不過這兩天的喉嚨痛愈來愈厲害了,連飲水也很痛,不知再過兩天會吾請病假了........

給林采欣追到氣咳,終於在籠底把好的紀念冊完成了,想想下今年好似冇乜人俾紀念冊我寫喎,點解呢?唔通我唔識寫字......丫...7月2日約左鋆鑾佢地.今次去邊度玩呢,海婷都有叫去踩單車,不過遲左囉,下次先喇.....

唔知係唔係d人唔識打字呢,d人上黎睇完都唔留言ge,講留轉頭,星期四及五已經考完tsa喇,六年級的生活已接近尾聲,耐不耐會諗下約佢地去邊度玩?約邊個呢?

跳繩強心考章已經完成,參加人數不錯丫,有五十幾個,我班淨係得李業永參加,我d號召力真差!!!!!!!

星期五上4B堂的時候,他們遞了一張音樂工作紙俾我,原來是要為校園生活作詞,又是我的強項(嘻...作大)於是就係咁而係黑板寫左四句俾佢地參考.跟住就係屋企作埋佢,寫得好唔呢?

學校生活，歡欣快樂，仲明同學齊鼓掌；

中國語文、英文數學，電腦體育同歡唱。

多元智能，課外活動，令我身心更舒暢，

樂善關懷，同聲歡呼，上下一心樂洋洋。

樂善關懷，同聲歡呼，上下一心樂洋洋；

學校生活，歡欣快樂，仲明同學齊鼓掌。

中國語文、英文數學，科科成績更優良，

多元智能，課外活動，令我身心倍舒暢。

呢兩首邊首好D呀,俾D意見丫.....

星期六又去左一個工作坊(係荃灣),係一間出版社宣傳體育科教科書搞ge,又用左幾個鐘,

下午2點幾先返到家,坐埋電腦,即刻做補課同輔導d報表,一直做到十一點幾,仲未做完,想

死呀.............

一首接一首....今次你估係邊個,之唔係你囉

錦繡前程由我創                皓月星輝爭競艷

翔龍飛躍笑穹蒼                玲瓏剔透如飛燕

留贈詩歌能銘誌                留贈詩歌能銘誌

念頌師恩永不忘                念頌師恩永不移

喂.記得留言比我丫

海潮聲奏別離韻

婷婷玉立伴彩雲

留贈詩歌毋忘我

念記良師此中尋

要求到就一定送,海婷滿唔滿意呀?今日隻腳比人踢到,仲瘀左添,幸好未有傷到骨,搽左跌打酒好左好多喇,比邊個踢親,不提也罷,個xanga唔知係唔係維修呢?上唔到ge,好彩用埋日記簿,所以影響不大.......

啊!好熱啊!成日開住冷氣都覺得熱,幾時得熱完,今次死梗,

終於改完d卷,平均依次排名6D?E?F?B?A?C,真係諗唔到6A係尾2,真係覺得自己都冇盡力,全班都要盡責任(包括我),接手他們後,真的覺得他們愈來愈冇心機學習,而家連琪琪都成日拿塊鏡出黎照,D男仔就成日玩,點算......................

7月10日放榜後,他們就不用回校上課,寄望仔細升中後會努力學習喇;6A同學們,加油...........

一口氣寫了幾首.....................唔明唔緊要,請將一首詩歌(打直讀)第一個串起來

(文鳳)                  (冰冰)                   (彩欣)                 (杰螢)

文通八方心意舒     冰水清清冰水盈      彩鳳飛騰跨步去    杰出人生迎豐盛        

鳳舞九霄雲外處     笑語人生訴衷情      欣然起舞別唏噓    螢火光華亮晶瑩

留贈詩歌能銘誌     留贈心思能銘誌      留贈心思能銘誌    留贈詩歌能銘誌

念頌良師感知遇     念我心思笑不停      念記仲明有幾許    念我師恩永不停

又過了一天,日子愈來愈近,真的是時候考慮去留的問題,可能是自己懶惰吧,不太願意拿起筆來寫信,

屈指一算,還有20多天便要離開這群6a哇鬼,他們的行為往往令我唔開心,但又像無知的小孩,想嬲又嬲唔落,往往責罵了就算...........

今天早上傑升和媽媽鬧得很不愉快,我在學校外請了鄭太入來,了解一番,到10:00左右便轉介給林姑娘.

下午放學後和鋆鑾.美思和梓峰溫習,表現也算好,希望他們考得好成績吧!昨天郭玲麗老師上鏡,有很多人在談論.尢其是在教員室,因為郭老師手指還是受傷啊!