我對任何事同人都充滿好奇--'' 咩都諗住試一?!

遲早打破埋健力士紀錄 ..Wa Ka Ka!!! 講笑--''

1*  玩米缸..將對手插入米缸既米裡面篤下篤下!!(玩到成地都係--''..後尾等Ma Mi掃番)
2* 係百貨公司入面篤扶手電梯旁既吊牌!!(經常比Ma Mi話:小心整斷對手)
3* 當見到地下有階磚既時候..特登咁隔一格一格黎行!!(唔可以踩界..要完全係格入面)
4* 用錶面And鏡之類既野反射陽光..照黎照去!!(通常都會照人地對眼..所以成日比人鬧)
5* 鐘意跳樓梯!!(愈多級愈犀利)
6* 行D街上面高起左既地方..例如:高起左既石博..好似玩平衡木咁行法!!
7* 鋪張紙在硬幣上面,然後用鉛筆係上面油,油返個形出黎!!(And Then Cut出黎玩)
8* 食完瑞士糖之後,將糖紙包番個原本四四方方果個形出黎!! (用黎玩人..請人食)
9* 超級市場踩住架購物車o黎行!! (比Ma Mi鬧...撞跌人地d野你賠ar?)
10*  踩水"tum"..係好特登果隻!! (仲要好有節奏咁''tum'')
11* 吹口水波!! (比Ma Mi話唔衛生)
12* 搣牆上既乳膠漆或者牆紙!! (會比人打手板)
13* 係d平滑o既地上面跣下跣下咁行!! (不過最後既結果係跣低左)
14* 放d膠袋係窗口飛(當風爭咁玩)!!
15* 踩人地個影!!(猛追住個影唔放)
16*當d同學仔買左新波鞋..我會狂踩人地對新鞋!!(幫吨?Je)
17* 玩千揪，"fing"得越高越犀利!! (同人比賽)
18*在自動梯到行相反既方向!!(成日比Ma Mi話:好危險Ga..想死AR?")
19*係被竇入面開住個電筒玩!!!(Because 我怕黑)
20* 用d已經過時唔用既香港人頭$1蚊黎抽閃卡..(當一蚊用)!!
21* 煲蠟!!(人玩咪跟住玩Lo)
22* 用螢光筆油指甲!! (比人迫畫Ga)
23* 當學校張台係畫 紙!!(仲好用過d畫紙)
24* 落雨擔遮..好鐘意係咁轉把遮!! (''fing''哂d水去人地到)
25* 見倒d矮過自己既人行緊過黎..會好自然咁"gut"高d!! (想玩下呇a)
26* 鐘意玩擦膠碎!!(特別係上堂悶果陣)
27*未開得飯..好鐘意埋去偷餸食!!(細佬又跟我一齊偷)
28* 同細路爭d無聊野!!!例如
     美少女戰士既角色:(sailor moon係我既..火野麗係你既)或 者
     四大天王:(黎明係我既..所以你唔準鍾意黎明..
     你鐘意郭富城La)
29* 係街見到狗就扮貓叫..見到貓就扮狗吠!! (不過我都會隔成里遠叫)
30* 畫花報紙或者書上面既畫..幫d人加牛角或者胭脂等等!!(突然間好有創意)