今朝訓訓下醒左…見到細佬同我訓埋同一張床…頓時o左…
琴晚明明得我自己一個訓…細佬幾時走左過黎?!?! -0- 好無奈…
之後起伸返學…今日對卷呀…好驚…phy…滿意…^^” h&c都算ok…
maths…好左d喇…geo就低左幾分…不過都ok既…中文就…一般喇…
咁就過左一日lu…返屋企…

返到屋企…食完飯…叫細佬做功課…睇佢d功課…之後我就訓教…
訓訓下有個人打黎話搵Amy…-0- 打錯….阻住我訓教…之後5點幾翠搵我..
今日唔出去唷..瑤話好攰…我都好攰…之後6點…細佬同mum去左公園玩..
我就係屋企訓教…訓到傻下傻下….7點幾8點先起伸…食飯睇電視…
睇完學警出更..mum幫細佬拔牙…@@” 好痛的!! 不過細佬冇喊…好叻仔..
跟住11點倒就訓教la..

愛情金句：
愛情可以很苦，它曾帶給你希望，然後又殘忍地幻滅，換來深深嘆息。

琴晚同細佬訓….佢係咁踢被…我就係咁同佢蓋被…今日成12點幾先起伸..
起伸食左少少野就開電腦玩…之後又睇左陣書…整下呢樣..整下個樣…
咁又到左2點幾…出左廳睇電視…咩唐伯虎點秋香…睇完瑤就打黎傾左陣..
之後我就玩yahoo麻將…玩玩下…mum叫我幫佢剪頭髮…-0- 好驚唷..
我幫佢剪…我驚多過佢驚呀真係…幫呀媽剪頭髮喎…壓力好大…!!
幾經辛苦先剪先…我驚到爆晒汗…咁就去洗白白嫁喇…咁又比dad話…-0-
 “出去打波又沖涼?!唔妥喎…等陣打完波又出晒汗…你係咪去打波嫁...” 好煩.勁講好多野…煩到丫…沖涼喳….又up一大輪野…唉…都唔知開心好定喊好..
沖完涼就出去朗屏…

過到朗屏…瑤又要食生菜魚肉…-0- 去街市…買完過排場食…我又比蚊咬喇…
好慘慘…係度餵蚊…唉…之後就出去打波喇…-0- 玩開波…係咁入10號…
@@” 玩到好鬼攰呀…之後d印巴藉人黎左…我地就過另一個場…
媚又話玩閃避球..我同瑤都反應遲鈍..分左組就玩喇..今日我好似反應快左d..
^^” 玩玩下…我又開始發夢喇…2bad…比賴屎請我食餅…>< 2bad…媽咪呀..
之後我hold住左個波…我係度fing黎fing去…柏林同飛薯就彈黎彈去…
勁好笑呀!!^^” 之後玩玩下…勁多野笑囉…最搞笑既就係…我傳波比人…
話.. “唔得呀..我好想笑…” 之後柏林又係咁…又話.. “唔得呀..我好想笑…”
勁無奈….不過好難忘…我同瑤望黎望去…又勁係度笑唔停…之後瑤係度話….
 “木頭公仔唔準郁..唔準笑..唔準呱呱叫..” d人就想中佢喇..點知瑤又閃得好快..
今日勁係度狂笑…比賴屎中左頭之後…我係咁話.. “唔好米頭…”
d人真係唔米頭囉…米腳…^^” 好開心呀玩到….之後玩完就玩開波…
8點幾個時仲係度玩…同飛薯佢地打波…呀迪勁搞野…扮鬼扮馬…
笑到我肚痛…^^” 之後玩到9點幾就走人…返屋企…

返到屋企就洗白白…之後就食野…玩電腦….整整埋埋就訓教lu..

過左3個月喇...整整3個月...人變左...事物都唔同左...但係有樣野...
依舊係冇變到...依然都係咁想念你...可能呢d叫做唔識長大...
經歷過咁多野..我仲係唔識諗通...冇錯...時間係可以沖淡一切....
但係呢一切一切...依然係無法沖淡...只會係不斷回憶...不斷咁反思...
有冇聽過眼淚會有一個配額..生命中每樣野都早已經有配額...
無論你係點樣鐘意食煙...飲酒....吃喝玩樂..時辰一到...配額完成..
緣份會耗盡...我地既眼淚配額有幾多呢?? 科學家話...每個人一生之中..
會流出185萬滴眼淚...用一公升既可樂瓶可以裝到65瓶眼淚...
流淚既原因有好多..嬰兒既啼哭...受傷既痛楚..年老既悲哀...
最難得既就係喜極而泣...係呢d眼淚當中..有幾多係為佢而流??
有時候...我地注定要為一個人流好多眼淚...呢個人令到我地學識咩叫思念..
孤單同期待就接踵而來.....唉...拍拖起初係憂慮...之後就係傷心...
眼淚會悄悄衝破防線...從靈魂既深處哀嚎而出..自從有左第1滴眼淚..
第2滴就理所當然.一直流..仲未走到生命既盡頭時.已經流到第185萬滴眼淚.
咁就流乾晒d淚水..面對佢既時候..身心透支...無論點樣哀傷..
都只係一臉木然...一係傻笑...眼淚配額已過...剎那頓悟..四大皆空...
希望眼淚配額真係過左...唔會再流更多既淚水...對自己失去信心..

愛情金句：
別以為成為情侶便是好事，以後的道路更為艱辛。