我今日番到屋企,頂~~又見到個blog比人封左!!

死人yahoo,我尋日send左個e-mail罵佢,我都係見留言果度有問題,係咁禁先會留多左留言je!冇啦啦都比人封blog lo!今日罵完佢,仲連新果個都比人封埋!!

唔係因為我係yahoo識左咁多blog友,我真係唔想再係yahoo度開blog呀!!!好彩我依家醒啦..識得去第二度開多個blog做backup,如果唔係就真係一d野都留唔番呀...

講番今日既開心野先!今日出左尖沙咀見網友pui yin同新識既網友仔ching yi~

pui yin係番黎問我拎產品既~不過佢今個星期既成績一般呀..我都比左d意見佢,要佢少食杯麵,食多d菜同水果,仲要飲多d水先得呀..如果唔係就難d減到啦...

ching yi係我早幾日先識既網友仔~佢好好呀~特登出黎公司搵我!(因為佢都住得離公司幾遠下架...)

ching yi同我都有少少似呀..都係由細到大都係肥妹仔!不過佢冇我咁幸運呀..佢肥既時候,身邊好多人都取笑佢,令到佢好唔開心呀..

佢都試過好多方法減肥,不過都唔成功呀...我好想幫佢瘦到,等佢有番自己中意既身型,同埋唔好再比d無謂人笑佢!!

所以我都同佢講,一定要比心機減呀..唔好比人睇小!!我呢個咁為食既肥妹仔都減到,冇理由你減唔到架!希望佢努力減好佢,我黎緊一定會全力協助你減好佢架!

ps:我覺得ching yi佢對我既感覺幾好呀!可能因為我冇迫佢一定要買d咩產品啦~都係就住佢想用幾多錢去揀產品黎用!所以我地傾傾下,都傾左成2個幾鐘先走!!

不過今日唔好意思呀..比唔到d最緊要既野你!!我會盡快拎番比你架啦..