其實我以前好少去公司既大會架~因為覺得「會」呢個字,一定係好悶,好無聊既事,所以我以前就算係顧問叫我去,我都唔係好想去架..

不過最近兩次大會,我都有去,之前果次,係自己決定要去,因為雖然我覺得d產品好好用,但係我想比自己重新了解一次,究竟呢間公司係咪值得我花時間去做,係咪值得我花時間去用d產品黎幫人??

事實證明,我既決定真係冇錯,因為我係台上見到好多新既面孔,多左好多人因為用產品用得好,改善左身型同健康既問題,有d自己聽到都會好感動,因為d產品收番黎既效果唔係淨係錢,而係真係比到佢地好切身既感受,佢地唔係因為人地sell先用到依家,只係因為產品幫到佢既野,令佢好深刻,令佢地用到呢一刻都好愛呢隻產品!

ps:如果咁大台人做咁大台戲,就係為左呃我一個,咁佢地都好用心良苦wo~~

今次去大會,其實我係想搵番d野..係信心同推動力!

信心,唔係對產品,係對我自己,因為產品係我身上已經發揮得好好,令到我同我身邊既人,都由懷疑變左相信,所以我都唔擔心呢樣野..

反而我會諗,究竟我有冇能力幫人地減到肥呢??其實我有時都會怕自己做得唔夠好,亦都怕人地覺得我做得唔夠好,比左自己好多問題..

不過我見今次好多唔同背景既人,都係因為拎個心出黎做,人地睇到自己想幫人既誠意,所以先會跟住自己用產品,我就覺得,我其實都係做緊呢樣野je!點解我會唔得呢??

另外,點解要搵推動力呢?因為幫人減肥呢樣野,有人支持,亦都有人反對,有人信,亦都有人懷疑,當自己軟弱既時候,其實係好想有d人支持下...係大會度我都可以叉下電~見到咁多人都做到,冇理由我做唔到吖!

未盡力就認輸,唔係我既個性wo!我堅持過做咁多外人認為唔得既野(ps:減肥啦~工作啦~好多好多野呀~)點解今次我要放棄呢?未做過我係唔會放棄既!因為我唔會因為人地話唔得我就唔做架!因為我知道,努力係會有回報架!

係大會度真係會見到好多野架..同埋會比自己有一d除左用產品之外,係生活上都有d反思..

我講到個大會好神奇咁??哈哈~其實神唔神奇,要睇下你用咩心去睇lo~想知有d咩咁magical既,下次就同我一齊去聽下lo~(ps:我都有d朋友去過,佢話就算唔係用產品,都學到d對生活態度好好既野架~)

有機會預埋你地啦~

ps:黎緊開始我既變靚大計..plan好就話比大家知啦~wakakaka~~^0^