今日出左公司度幫幾個網友仔度身磅重呀~

好難得地,一個係我識左一段時間既網友仔漢堡包,佢個朋友仔阿jok,仲有阿jok既朋友katie都出左黎!

其實...佢地三個既關係好得意架~因為漢堡包減得好,佢個friend阿jok就跟左黎話要減~阿jok又減得好wo~咁又吸引左katie一齊減肥!

用完產品個效果好..所以變左呢個三代同堂既局面!

其實漢堡包同katie係唔識架~佢地今日係第一次見!不過兩個一見就好好傾啦!

報告下佢地既成績先!漢堡包今次既成績一般呀~不過我都會原諒佢既~因為佢考緊AL,好少機會用番公司d產品,同埋食多左野,所以冇咩點瘦都係意料之內啦!(ps:其實佢冇咩點肥,我已經覺得好好啦~同埋今次狀況未夠fit je!只要佢回復番之前5日減2kg既威勢就會減到架啦~)

katie同阿祝..佢地反而又減得好好wo!

點解咁講呢?因為佢地兩個唔係好肥架ja~尤其係katie,佢係好瘦既女仔,其實已經唔係好多野要減架~仲要佢話自己用得產品未夠乖,都比佢減到1kg wo!仲要度度都瘦左半吋到一吋tim!(ps:如果佢再乖d,實好快減完啦~)

阿jok呢排就病病地,可能因為咁都瘦左好多..(所以真係唔知係產品既問題,定係佢病左既問題!)雖然係瘦,不過我寧願佢係健康咁瘦,好過因為病而瘦呀!阿jok你要快d好番呀!

另外,今日monica都黎左磅重度身,佢話我知佢番左大陸,食左好多野,不過都有輕左wo!哈哈~我都話佢好彩有用產品ja~唔係可能都會肥!佢仲竟然唔單止冇比大陸d野整肥左,仲有得瘦,超勁呀!!

所以今次佢今次黎到,就一次過買左幾個月既野番去用!(因為佢唔想成日一次一次咁買,次次都要拎番屋企呀~)希望佢黎緊努力d減埋佢啦!

ps:唔知係咪響facebook add左d朋友仔,今日突然多左好多朋友仔問我減肥既野..有d之前問我拎左電話既,都打左比我,要約我時間傾減肥既野呀!我黎緊會努力幫你地減架啦!

pss:今日多左件開心既事...就係有人邀請我做講者呀~哈哈哈~聽日再同大家分享!