今日好想介紹一位網友仔比大家識呀~佢係一位令我好印象深刻既網友仔!

點解?因為佢係一個好乖好聽教既女仔黎架!(PS:咁樣形容佢會唔會講得佢太細路女呢??其實佢都同我一樣咁大架~)

我教左佢點用產品之後,佢真係照足哂D份量呀數量呀咁樣去食!而且只要佢冇野忙,佢一定係個個星期都會黎搵我度身架!

最深刻既一件事,係佢有一次突然間係MSN同我講:「我可以買埋之前買唔到既產品黎減肥啦!」

我都好奇怪..唔通佢想再減快D???(PS:我幫人減肥,唔會要人一定要買哂D野番去用,係比佢地自己揀架~所以最緊要係佢地用得舒服!)

原來係...「我拎到獎學金,可以買埋之前想買果D產品呀!」

哈哈~其實我果刻真係好替佢開心架!唔係因為佢會用D錢黎買產品而開心,而係因為,我知道自己一定冇咁既機會可以拎到獎學金,所以我覺得佢真係好勁呀!果刻其實我都只係關心佢點拎到呀~難唔難拎咁!

但係好搞笑呀~佢就掉番轉,已經拎左D產品書仔去研究下D產品有咩好呀~邊樣幫到減肥多D咁!!

依家諗番呢件事,其實係好感動架,因為佢有左獎學金,大可以用黎買其他野,可以用黎玩用黎食,可以自己儲起唔話我知!

但係我覺得,佢係相信我同D產品,佢先會選擇將D錢投資係減肥同健康上面!

好多謝你對我投左信任既一票呀!我頭先都收到佢既好消息,就係佢又瘦多左啦!!

希望黎緊見你,可以再有多D好消息啦!^_^