尋日收到阿豆既通知,先知道原來我地學校既F5舊生今日會搞BBQ!

不過我今日要番工,成差唔多十點先放工,所以都諗住JOIN唔到佢地既活動!

點知原來我地果班既同學仔冇咩人番去,夾埋我都係得十個人度,大家見成班人都冇個識咁,佢地就集體潛左水,一齊走左去PIZZA HUT度食PIZZA!

我收左工先JOIN番佢地,一去到坐低果陣,有個好耐冇見既同學仔就即刻同我講:「你超勁呀~我睇你D相,你瘦左好多呀!你點減架??」

哈哈~其實果下我真係好開心呀~連好耐冇見既同學仔都讚我瘦左!(PS:其實今日做野果陣,已經有一位朋友話我瘦左好多架啦!)

不過....比著係以前,如果佢係問我點減既,我可能會好含糊咁答左佢就算!一來怕人地知自己減肥,覺得好怪,二來又怕人地知我用代餐,會怕我SELL佢!

不過依家呢刻,我會好樂意話佢知我用緊咩黎減,因為我覺得,如果我係一個好既朋友,用左D好既產品,唔係應該同人地分享既咩?如果佢用既,咪當幫左佢LO!佢如果聽完冇興趣既咪算LO~我又唔會有損失既!

更何況,佢一定係覺得我會SELL佢既咩?如果咁岩佢係搵緊D WORK既減肥方法,係想快D減到去PARTY呀去玩果D,我唔話比佢聽,咁咪即係抹煞左佢選擇既權利LO??

所以依家我唔介意話比人聽自己係減緊肥,係點樣減,因為我自問都紀錄良好,加上自己係有心分享既,人地係會感受到自己想幫到佢既心,至於用唔用,真係隨緣呀!

好可惜今日太多人,同唔到佢傾減肥既野呀!我地有機會MSN再傾啦!^0^