早兩日ANNA同我講,話佢地上環既早餐店會開6月份既生日PARTY!因為我係6月份生日,所以ANNA叫我無論如何都要去呀!

其實我上個月都有JOIN佢地既PARTY,知道佢地係玩緊「一人一菜」既生日PARTY!咩係一人一菜??咪就係每個出席既人都要帶一樣食物黎(生熟食物都得架!就算係生果甜品都得!),可以自己整,又可以買既~上次我買左個菜飯(諗住健康D~=V=)不過上次見佢地好似好中意食糕點,所以今次就買左D西米糕同糯米糍!

今次又係好好好好多野食呀~~~有雞肉啦、沙律啦、壽司啦,比較特別既就當然係我既親愛顧問ANNA整既斎啦!仲有特大士多啤梨呀~(好似係佢地有個客響美國訂番黎架!勁!)仲有好多好多野食呀...大家自己睇相啦~

大家見唔見到左手邊有D黃色既糕點呀~係我買架~

仲有其他野食架..不過因為有D人遲D先到,所以D野食飲唔到鏡呀...@@""

其實仲有好多相影左架!不過我個相機冇咩電...所以我部相機冇影到好多相....下次係ANNA個相機度拎番D相再POST比大家睇!

同埋今次有個好高好靚既鬼妹仔MODEL黎左呀!佢影相係企我隔離~真係好靚架!佢仲同我講左兩次HAPPY BIRTHDAY TIM!(哈哈~我中意睇靚女呀~)

不過佢好慘呀..因為要KEEP住身型,就呢樣唔食得,果樣唔食得...(好似係公司唔比佢肥,所以佢樣樣都唔可以食呀..淨係睇住我地係咁食野...@@)所以我地都叫佢試下用SHAKE,等佢可以一路食自己中意食既野,一路可以KEEP住本身好瘦好靚既身型,唔洗咁慘呀!><

今次真係好開心呀!我收到佢地送既生日卡同禮物呀!比大家睇下張卡吖~^_^

有我個名架~^0^

比大家睇下入面先~

係咪好靚呢~不過入面仲有心思呀~睇睇~~

佢地真係好有心呀~寫左好多祝福我既說話,我真係一路睇一路由個心笑出黎呀!^_^

我仲收到生日禮物呀!係保濕同抗氧化既噴霧呀~係ANNA送比我架~~~YEAH~~~^0^

今次真係好開心呀~第一次有咁多人同自己一齊慶祝!(雖然唔係正日黎既~=V=),同埋比我係ANNA既早餐店度睇到,原來好多原本黎飲SHAKE想健康既人,依家除左得到佢地想要既健康,又或者減得好好既人,大家都已經變左好好既朋友啦!

我都好希望黎緊可以一路好開心咁幫人減肥同健康,一路好開心咁識更多既朋友!加油!^_^