尋日就係去紅酒晚會既日子呀!本來我唔諗住著ANNA係馬來西亞買比我既果條裙架!(PS:係上次我地去新加坡,ANNA送比我架!我諗住留番月尾去第二次酒會果陣著呀!)不過因為我搵唔到我之前諗住著既果條裙,所以唯有著番呢條裙啦~><

比大家睇下個LOOK先!^0^

個妝係我阿妹幫我搞架~佢唔係專業化妝師,所以都不過不失啦!XDD

呢個酒會其實係我地既大領袖GIGI同EVAN搞架!係獎勵我地一班幫左好多人減肥、增肥同健康既朋友而搞呀!所以今次個酒會係響佢地新買既豪宅屋苑度搞架!

我去到之後,就同左一大班人參觀下呢個屋苑!呢度都好大呀!環境又唔錯,又多設施WO!比大家睇下個環境吖!

我仲同幫我減肥既ANNA&佢既屋企人影相!

全女班影相!

仲有全男班!(不過少好多人WO!XDDD)

行左一個圈之後,就番番去PARTY既房度開餐LU!

今次GIGI同EVAN準備左好多野比我地食呀!(PS:不過我地個個都掛住食,我又著得咁靚,冇理由揹住個相機架嘛~所以都係食左先講啦~)首先有D餐前既小食,有沙律呀,雞翼,三文治同鵝肝醬加餅乾呀!真係好GOOD呀!XDD

跟住就係重點啦~有即燒既牛扒、羊架同帶子呀!!呢三樣野都勁厚肉勁好味,D扒係好多汁架!食得出係好野黎架!!同埋D帶子好大粒架!GIGI話係北海道帶子黎架!

我自己都食左幾粒好大粒既帶子,同埋食左兩塊扒呀!(PS:D扒係好似大家出面食百幾二百蚊一塊咁大塊既扒呀!食完我真係好好好飽!!)

話明係紅酒晚會,就梗係有酒啦!EVAN買左好多紅酒同白酒,但係我唔係好識飲酒呀!所以淨係飲左少少白酒,不過飲左少少,佢地就話我塊面紅到好似關公咁WO!所以就冇再飲啦~

今次真係好開心呀!好多謝GIGI同EVAN佢地咁有心搞呢個活動!講真,如果係出面打工既,老闆覺得你做得好係應份既,點會搞D咁既PARTY黎比員工玩吖??就算有,都要自己比錢啦!邊會肯自己拎D錢出黎BOOK場同請人番黎燒野比我地食,樣樣都親力親為去搞呢?做老闆既,有錢唔好用黎去玩去食??做咩要用黎搞活動WO??

所以GIGI同EVAN真係好好呀!仲未我地感受到咩係有錢人既生活同享受!

要係度多謝你地呀!^_^好好人既兩夫婦!

仲有各位PARTNER,你地平時都唔吝嗇去幫我呢個PART TIME既拍檔,我要做野好少番公司,但係我一番黎,你地都會幫我照顧D想減肥OR健康既朋友仔照顧得好好,又比好多TIPS佢地(但係佢地幫左我係唔會賺到錢架!只係想D朋友仔減得更好!)好多謝你地!希望你地繼續升職成功!

黎番張大合照先!

我阿妹話我件衫既色成功搶鏡WO!XDDD

我黎緊仲有一次既PARTY要去呀!聽講黎緊會有成80人黎到PARTY呀!所以GIGI同EVAN黎緊好似要BOOK個更加大既宴會廳!!(PS:我偷睇到D告示,BOOK房係要錢架!黎緊個廳大一倍有多,實好貴呀@@)

不過..我又要煩惱黎緊著咩衫好啦...唉...=V="

PS:想睇哂PARTY D相,就去我FACEBOOK度睇啦!^_^