今日番左公司見兩位朋友仔!一位係一路都有跟緊我減肥既VANESSA,另一位係我既減肥網友仔BERRY介紹比我識既朋友仔,佢叫RITA呀!

VANESSA最近好似減得唔錯咁,因為佢D同學仔話佢瘦左呀!所以佢一考完試就即刻搵我度身,睇下自己瘦成點!

不過佢竟然係度身前食左好多無謂野..所以冇想像中瘦既咁多呀!!!太曳啦~~~你下次要瘦番多D比我睇呀!!!!>0<

至於RITA,因為佢見到BERRY瘦得好好,所以BERRY就當係幫朋友咁,介紹左RITA比我識呀!

RITA比我既第一個感覺係...好攰...可能呢個時間唔係佢平時起身既時間啦!所以佢都冇咩精神咁!不過好開心佢尋日同我傾完,今日就出左黎呀!我諗呢個信任,都要多謝BERRY幫我建立出黎,因為如果唔係BERRY咁比心機減,佢既朋友仔都唔會相信呢個方法係WORK!亦都因為咁,BERRY多左個幫人既機會~(你功德無量呀!!WAKAKAKA~~~)

今日都同RITA做左D講解,我都當同佢係朋友咁傾計,不過最後佢都想問埋MAMA既意見先開始!我覺得咁都好呀!我MAMA開頭反對我用D產品黎減,我都知咁就要靠自己努力比人睇先得!咁所以我當然想我既減肥朋友仔有屋企人支持,等個動力大D啦!

點都好,總之你一開始減就要努力,唔好哂左我地既心機呀!

PS:頭先收到MAGGIE既電話,聽到佢有D好消息呀!真係恭喜哂啦~下次記住唔好再有D咁驚嚇既野拎出黎嚇我呀!解決左就好啦!XDD

同埋仲有D好驚嚇既野,就係原來佢用產品仲狼死過CARMEN!!!上次我都講左CARMEN承諾左要飲多幾杯SHAKE,點知原來MAGGIE呢個衰妹又照版煮碗,呢個星期都學埋一份,但係份量係CARMEN既DOUBLE LO!!!!!(PS:呢D經專人指導,大家請唔好亂學!!!=0="""")

不過佢話我知,佢個下巴尖左WO!睇黎應該真係有成果呀!聽日就睇佢瘦成點!!

黎緊減肥比賽就快完啦~大家都想減肥成功去個雞尾酒會....要加油呀!!!!><