雖然過左12點,但係都要同大家講聲:端午節快樂!^_^

今日真係好開心呀~除左係因為紅色假期,唔洗番工之外,仲係因為端午節係我既農曆生日,所以我既屋企人已經同我慶祝左LU!

其實我一路都冇留意自己既農曆生日架!一來依家都係會跟番新曆既生日,二來一向都冇慶祝開既,只係呢日好易記,我阿MA有時會提下,所以我先會知!

不過可能呢兩年屋企人同我都要出去做野,好少機會一家人食飯,所以阿MA呢兩年好似著緊左呢D日子,咁就一早話要做節WO!(同埋又想同埋我慶祝!@_@""")

所以阿MA今日就比左封利是我做生日禮物呀~

到左下午,有位MR.T黎左搵我,話要同埋我D妹一齊去食糖水WO!(PS:冇錯~係未食正餐架~不過佢又興起,所以就話同埋我地一齊食WO!)

今次去左松記!我都係第一次去JA!我地4個人一人一個甜品!

呢個係細妹K既甜品,唔知叫咩名呀~淨係見到有生果呀~涼粉呀~大西米同黑珍珠LO!

呢個係細妹文迪既朱古力雪花冰,佢話好好味WO!(PS:其實我食唔出有咩唔同...=V="")

呢個係MR.T既芒果雪花冰!都幾好味WO!^0^

最後我果個係好普通既海底椰黑糯米,因為我本身唔係話好想食糖水,同埋唔係幾舒服,唔係好受得凍野,所以都係係咁意叫左個穩穩陣陣既食左先!@@

食完糖水之後,我地行左一陣等阿MA收工食飯!本來係話阿BA煮架~不過佢又衰WO!竟然辦事不力,冇買到餸!!!所以我地冇飯食呀...= ="""

之後叫左外賣PIZZA食!(PS:想影相果陣,個PIZZA已經比人分左C...)

不過我阿MA其實係想出去食飯多D架..我仲諗住細佬果D係屋企,叫PIZZA會好D..點知原來阿MA叫左佢地出黎,諗住食飯架...早知我就唔話食PIZZA啦...

不過唔緊要啦~我正日果日都要番工...最多留埋個正日既夜晚比你地啦....到時中意食咩都得呀!^0^

PS:其實我個人真係冇咩所謂,冇話大時大節一定要有人同我慶祝先得!只要好開心咁過,就算簡簡單單留係屋企我都好滿足!(又係宅女既特質~~~)

點都好啦~多謝屋企人今日陪左我一日呀~聽日又要開始做野啦~加油!>0<

-----------------------------------------------------------------------------------------------------------------------------------------

活動公告

黎緊星期日,我地搞左個SHAKE PARTY呀!大家去到可以飲到幾隻唔同味道既SHAKE!(佢會加左好多野落去,好好味架!^_^仲會有抽獎環節!(PS:上次我同CHING YI去,CHING YI超好彩呀!咁多人都抽中左佢呀!勁~~~^0^)

我同CHING YI去過,都覺得好好玩呀!所以尋日已經約左3個網友仔一齊去!^_^(呢幾日都會再約下人!!)如果大家有興趣都可以一齊去呀!

時間:2:30-5:00PM

地點:尖沙咀

入場費:$40

入場費果度我睇下會唔會幫大家爭取到DISCOUNT啦~(視乎人數而定!!)同埋即場買會貴D架~(好似要$60架啦~)所以大家有心想一齊去玩去食既就早D報名呀!