各位~我已經暫時處理好自己既事,終於都可以番黎好好地打番BLOG啦~

講番早兩日既減肥比賽先~其實係減肥比賽之前,我既減肥網友仔漢堡包,佢同左佢既朋友仔阿KIM番公司度身!阿KIM好勁呀!佢輕左成6磅!!真係好勁呀!不過佢竟然話,佢仲未好乖呀..咁即係話..如果佢再乖D,成績應該會更加好!@@

至於包包自己都唔差呀~依家佢減左咁耐,已經係狂收吋數既時間!所以最近瘦左既佢,都好大膽地著背心同三點式,唔怕突左D肥肉比人睇!

今次包包除左同朋友仔黎,仲約左一位網友仔出黎見面呀!佢就係CHERRY!CHERRY都係一位好想減肥既女仔,所以我同包包都講解左D減肥既野比佢知!

基本上講哂所有CHERRY要知既野果陣,減肥比賽亦都係時候開始啦~我地就正式進入減肥比賽既畢業禮!

今次既減肥比賽真係好多勁人!(PS:好彩我係玩上一屆!)雖然大家都知邊個係冠軍人馬,但係其他果D名次真係估佢唔到!@@

係宣佈所有得獎之前,我地首先食左公司特登訂比我地既食物!(PS:今次呢餐都唔平架~咁岩佢送野食黎果陣我收貨,所以知都幾貴架..@@但係公司都好捨得呀...)

我地一路食,一路大家傾下計~CHERRY留低左同我地一齊睇減肥比賽,佢同我講左一樣令我同ANNA都好開心既說話:「我覺得你地CENTRE D人好好,我覺得好開心呀!真係好多謝你地請我留低呀!」

其實我地就係想大家係開心咁同我地一齊減肥,唔好搞到好嚴肅咁~所以我地CENTRE係走開心路線架~亦都係因為咁,通常黎搵我地既朋友仔,見到我地CENTRE既風氣咁好,大部分都好中意番黎搵我地架~

食完野之後,終於都公佈結果啦~第一個獎就係頒比減吋數減得最好既人~有成500蚊獎金架!得獎者就係............我既網友仔CHING YI呀!!哈~我地真係勁開心呀!佢出去拎獎同分享果陣,仲請埋我出去TIM!CHING YI話真係好多謝我帶佢黎呢度,又介紹左一個好好既產品比佢,等佢可以係個比賽度減到22磅!

你要努力呀~黎緊仲要繼續減埋佢架~^_^(PS:我唔介意你拎D獎金請我食飯多謝我架~折現我都OK架~)

之後仲有幾位減得好好既朋友,第三名係減得好好既ERIC呀!大家叫佢分享果陣,仲特登要佢講埋對佢老婆既「愛的宣言」(佢老婆都鼓勵左佢好多架~^0^)

第二名係估佢唔到既TONY呀!因為佢既脂肪比率減得好勁,所以真係黑馬咁贏左ERIC呀!@@

第一名當然就係...我地既冠軍人馬JIMMY啦~佢呢12個星期減左成35磅!!最後果個星期仲要一口氣減左11磅呀!!呢個獎真係抵佢攞架!!

呼~~~一口氣打哂篇BLOG啦~不過因為我仲未收到相既緣故,遲D先比番大家睇啦~^0^