係講自己既野之前,首先要好多謝各位網友仔既關心,我已經冇野啦~^_^同埋要係度多謝識左10年既中學同學仔鄧鄧,我知你有睇我個BLOG架~雖然你冇留言,不過好多謝你SMS我,同埋黎緊仲話要減肥TIM~期待遲D見到你呀!

最近覺得同各位網友仔既距離拉近左呀~一來有公司既減肥比賽,每個星期都會度身磅重,一路見證住大家努力既成果,真係好開心既事!^_^

二來除左係公司見面,我地又會約出黎食下野行下街!好似之前同包包出左去食飯,同MAGGIE又因為買衫而行左幾次街!

就係因為一齊出去買衫,我先發現....原來我地既眼光差唔多WO!同埋又係好中意慢慢行街,所以同佢行左兩次街,兩次都有買到衫呀~~~(荷包大出血~~~)

除左行街食飯,最開心係佢地都當我係朋友,有時有D心事,不論開心定唔開心,佢地都會同我講!

當然傾左D咩就唔可以同大家分享呀~^^""不過因為我本身既工作係冇同事既關係(唔知我本身做咩??搵下前幾篇POST,睇下知唔知啦~XDD)所以好難得可以係網絡上都識到朋友,仲可以咁交心!

希望遲D繼續識好多咁好既朋友,幫到更加多既人減肥!><

PS:其他未同我出去行過街食過飯既網友仔,遲D我地要一齊出黎玩呀~好期待同你地一齊出去飲飲食食架~~

後記:我發現左我既減肥網友仔,原來同我其他既減肥網友仔,又或者係公司既人都好有緣WO!好似CARMEN咁,佢原來同我另一個網友仔阿KWAN,大家係識得一個共同既朋友!不過大家係因為我先相認LO~XDD

CARMEN原來同係減肥比賽既一個女仔係有關連架~原來果個女仔之前有係CARMEN做野既公司度做過野架!!@@

CHING YI又係咁有緣!佢做野果間學校,原來係其中一個減肥比賽參賽者ERIC(PS:佢係拎左減肥比賽第三名架~)既母校呀!佢地響學校週年果陣遇到大家,真係超驚訝@@"""

原來呢個世界真係好細呀..唔知遲D又會有咩特別既友情出現呢~^_^