今日收到BARBARA既電話(PS:好似好少提到BARBARA個名...其實佢係幫我顧問ANNA減肥既顧問呀~^0^),佢話我知,黎緊公司係下星期一會搞一個教人點樣好似我同其他網友仔咁,開始用唔同既方式去教人減肥,增肥同健康既PART TIME機會!

本來我聽到之後,知呢個活動係可以學到好多野,我已經諗住去架啦!點知....BARBARA話佢地同其他人開完會之後,決定搵我講係互聯網幫人果PART呀!

我都以為自己聽錯...點知佢話:「係呀~我地諗住搵你講呀~你仲可以邀請你D網友仔分享下呀~」我即刻R頭...死啦~~大家有睇開我個BLOG都知...我唔係好識講野架...之前公司已經請左我講過兩次,一次係小型D既,一次係大型小小既,估唔到今次又會搵我講呀!

其實我明點解佢地會搵我講,因為一來我自己真係減左好多磅,我對D產品同公司既信心都好強!二來我又真係幫左好多係網上面識既朋友仔減肥同健康!(應該咁講...我95%以上既減肥朋友仔,都係我既網友!!@@"")所以佢地都好想我分享下,點解可以幫到咁多陌生既朋友!

雖然只係講左兩次,不過ANNA佢地話我都講得算好好呀!又唔係好緊張咁既樣!(唉~扮出黎架JA!成個ROOM都迫爆人,D人仲多到企哂係出面冇得坐,唔驚先奇呀!)

好多謝公司比呢個機會我呀...雖然係緊張,但係我都會準備充足先會講架!因為今次我仲要同埋我既另一個網友仔漢堡包一齊講呀!>0<"""(PS:漢堡包係減肥同幫朋友仔減呢兩樣野都做得好好架~所以我都搵埋佢一齊分享!)

希望黎緊演講會順利啦...同埋希望各位減肥網友仔會黎捧場呀!因為我都好需要你地既支持呀!就算係第一次睇我個blog,又或者係睇左一段時間冇現身既,都歡迎你地黎捧我場呀!