今日我本身要番公司上堂,不過有3個網友仔出左黎搵我度身呀~係BONNIE,MIA同阿細!所以D堂未上完就拿拿聲番OFFICE!

第一個見既係BONNIE,BONNIE好勁呀!用左10幾日,就已經減左5磅呀!仲要差唔多度度都最少瘦半吋到一吋!!(PS:佢仲要磅重之前食左野,豪左個麵既磅數LO~=0=)

BONNIE真係好勁呀...如果你再努力D減,相信個身邊既朋友仔一定會睇到你既成果呀!頭先BONNIE仲同我講,佢覺得自己塊面尖左呀~~哈~你要繼續KEEP住呀!

BONNIE走左之後,MIA就黎左搵我!其實MIA一路都怕自己冇瘦到,連我問佢覺唔覺自己有冇瘦,佢都話:「好似冇WO~」,不過點知一度...佢個肚腩減左1吋,個PATPAT都減左半吋LO!!!搞到在場既ANNA都忍唔住講笑咁話:「係WO~真係冇咩點減到WO~都係肚腩減左一吋,PATPAT減左半吋LO~真係冇咩減到架~~~~」笑到我地兩個死呀~XDDD

其實MIA只係用左唔係好耐,有咁既效果真係好好呀!(PS:仲要佢話係用得唔乖LO..如果乖既,我諗佢瘦得仲多呀!!!>0<)你黎緊要繼續努力呀!要係番澳洲之前減多D,我要你番到去果陣,D人覺得你瘦左靚左,會認唔到你架~

同MIA傾到差唔多果陣,阿細又到左啦~MIA話佢星期一會黎捧我場呀!所以我星期一又會見到佢呀!(有咩要捧場??睇番上一篇啦~XDDD)

阿細其實每個星期六都會黎搵我度身,因為佢覺得自己唔會夠自律,所以就希望自己每個星期都黎搵我度身,令自己有動力繼續減落去!

阿細繼上一次比左驚喜我,一個星期減左4磅之後,今次佢D吋數又減得好好呀!今次主要係瘦上半身!亦都係因為佢既效果,仲吸引埋佢男朋友既MAMA問佢用緊D咩,想同佢一齊減呀!^_^

阿細你真係好勁呀~要KEEP住呢個氣勢呀!唔好比自己好似以前咁,唔盡力去減呀!我成日都記住你講,你話要做我減得最好果個網友架!

今日一次過收到3個驚喜,真係好開心呀~希望黎緊仲有其他網友仔會有好消息比我知啦~(PS:你地班為食鬼~唔好刺激我,話冇盡力減所以瘦唔到WO~我會日日鞭策你地架~到時咪嫌我煩呀!我都係想你地有效果呀!)

聽日又要見一個新既網友仔LU~希望會幫到佢啦~^_^