打番尋日未打完既野先...其實今次個訓練係要合資格先入得...我好榮幸今次可以入到黎呀!^_^

點解會入去訓練??因為依家多左好多朋友搵我減肥,有D朋友仔又想幫佢既朋友仔減肥...咁樣做下做下..好多人原來係跟住左我既方法去做WO!!所以我已經變左做一個領袖,要學識點樣教佢地好似我咁幫人,同埋令大家都做得更加好呀!!不過係做領袖之前,我都要學下人地成功人士點做呀!所以我都要學野!

我地其中一部分既團隊!^_^

我地一家6口呀~~XDDD

尋日係第一日既訓練,公司對我地真係好好呀!全日既訓練搵左一位星級既講師黎訓練我地呀!佢係邊個??我諗你地有時係電視都會見到佢呀!佢就係張慧慈呀!(PS:唔知既可以去睇下東張西望,有時都會見到佢做主持呀!)

比ANNA影到個近鏡WO!同埋我見ANNA同左佢合照呀!>0<

我聽番其他人講,張慧慈係讀中文系出身,做過開於新聞時事,同埋廣告等等既工作!所以對於管理團隊佢有自己既一套方法!佢帶埋佢D團隊黎同我地做訓練,真係好好好好正呀!因為全日既訓練唔係淨係坐係度得個聽字,而係佢地諗左好多活動同我地玩,我仲贏左D獎品呀!^0^

玩左成日當然唔止玩啦~真係學到好多做領袖要具備既野,同埋領袖真係要經過好多難關先磨練到出黎呀!我真係要加油呀!!(PS:玩緊影唔到相呀~所以大家比唔到大家睇我地玩得幾開心呀!^0^)

完左第一日既訓練之後,公司真係對我地好好呀!因為我上個月幫左好多人既緣故,公司唔單止帶左個星級講師訓練我地之外,仲搞左個高爾夫派對比我地呀!!

今次因為要打GOLF既關係,所以個個都要著POLO SHIRT同波鞋先落得場架!

今次個PARTY係響機場博覽館旁邊既酒店度開呀~環境真係好舒服好靚呀!^_^

我地食野既地方呀!遠遠咁望真係好靚架!^_^

大家除左睇到個靚景,仲睇唔睇到我地手上面既手帶呀?紅色果條係入今次訓練既手帶,另一條係入到PARTY先有架!因為唔係個個都有,所以係身份既象徵呀!^0^

今次既野食係泰式BUFFET!(PS:公司中午果餐都係包左酒店BUFFET,不過係西式呀~^0^)超多野食呀~~~不過我覺得我中午果餐自助餐都未落隔,所以都唔係食左好多野JA>0<

我係咁意POST幾樣比大家睇啦~XDD

個蠔配埋汁會好味D!

呢個幾好味呀~不過我放耐左先食,有D難切~>0<

仲有個串燒好好味架~不過ANNA冇影到!同埋仲有其他野食,響FB先UPLOAD啦~^0^

食完野我落左去GOLF場度打GOLF呀!!都有影到相呀~不過我個相機依家比人拎左去用,POST唔到比大家睇TIM!(PS:我打果陣大力得滯,差D打中執波果個人呀..真係唔好意思~~~)

跟住又有同公司高層影相既機會呀!呢個係我地入到PARTY既朋友先有既機會呀!^0^(又係遲D POST番比大家啦~>0<)

最後仲有個遊戲環節,我好LUCKY呀!玩贏左個比賽,可以拎到果位公司高層既簽名GOLF!(PS:平時D人爭崩頭先拎到架~~今次我地響PARTY玩遊戲就拎到啦~~~^0^)

PS:如果想睇哂D相,大家去FB度睇相啦~

FACEBOOK:[email protected]

今日真係超開心同埋學到好多野呀!!!不過第二日更加精彩!!!可能聽日先POST比大家睇啦!因為我一陣要出去見一個新既減肥網友仔呀!(PS:佢話佢都留意左我個BLOG一段時間,覺得我信得過先約我出黎呀~真係多謝你既信任呀!!希望一陣幫到你呀!)