尋日係好難得有既產品會,所以我今次約左幾個減肥網友仔同我一齊去聽!

點解咁難得?因為特登介紹產品既會真係好少,通常都會連埋其他資訊一齊講!但係今次呢個真係好正好正呀!真係完完全全只係講內在同外在既產品,仲要係兩個好高級好資深既總裁負責講呀!超有POWER呀!

今次個大會,一部分係講減肥同健康既產品,另一部分係講護膚!

減肥同健康既產品,其實我同D減肥網友仔成日都會接觸得到,但係有D野,原來真係好少會知!我地聽完之後,都學左一D好唔同既產品用法!希望幫到自己同身邊既人啦~

PS:減肥產品呢PART,我地位總裁真係講得好風趣,我地笑左成場咁滯!!黎緊佢星期五會負責講老人健康呀~睇黎又會好多人捧佢場!!

護膚果PART又係好精彩!因為平時好少大會會講護膚品,但係今次另一位靚女總裁真係講得好好,教左我地好多皮膚護理既TIPS!!

同埋公司最新出左個美白精華液呀!!超想用!!因為我最近都曬黑左...連我阿妹都話我黑左好多呀!><我見支美白精華液都唔係好貴呀~黎緊要用靚D皮膚先得~~

今次個會真係好好好正~~我同MAGGIE都好後悔冇帶多D人黎了解!所以下次要叫多D朋友仔黎學野先得呀!!

PS:MAGGIE佢尋日SHOW左比我睇,佢買左件三點式,諗住遲D著呀!!所以佢依家會好積極咁減肥,誓要減到靚靚見人!!

你一定得呀~我知你超有HEART架!!

後記:尋日其實有D心情唔係幾好..因為我個電話唔見左呀..不過好彩有人執到,不過要星期五先比到我呀!!!所以依家打唔到比各位網友仔呀...你地可能要MSN我先得啦...希望快D拎番個電話啦,因為真係超唔方便!!(所以最新既減肥網友仔KAREN..真係唔好意思..我打唔到比你呀!><)

雖然係咁,不過我都仲記得一件開心事,就係今日係我既減肥網友仔CARMEN既生日呀!我係度祝你生日快樂,減得靚靚,黎緊要超有自信,好似MAGGIE咁著三點式!

呢一兩日我會快D打埋第二日既領袖集訓架啦~~大家再等下先~>0<