呢排雖然成日出公司,不過近日見得最多既網友仔,我諗都係MAGGIE!

其實MAGGIE係我網上面識既其中一個減肥網友仔,不過因為佢又想試下係度做下PART TIME,所以佢每個星期都會出黎公司度學下野!

身為幫佢減肥既我,又點可以比佢自己一個學野呢??我就梗係同埋佢一齊出去啦!!

其實我一路都覺得MAGGIE係個好開朗既小妹妹!!或者借ANNA既一個對佢既形容詞黎形容佢:「佢真係好鬼精靈!」

每次佢出到黎,我都會覺得好開心,因為佢真係永遠都咁鬼靈精!!講親D野都係會令人唔知比咩反應佢好~~所以我好中意同佢呢D成日估佢唔到既妹妹仔傾計,因為佢次次都會有驚喜!XDD

同埋佢真係好好,好肯聽我既分享,有時我叫佢試下做既野,佢都會肯試左先,唔會話左比我聽唔得先,跟住就唔做!所以佢好快就感染左反對佢用產品既爸爸出力去支持佢用產品!!

亦都係因為咁,每次公司有咩活動佢都會同我一齊黎,我都好似習慣左每次有活動都會叫埋佢黎呀!因為覺得佢每次都一定會陪埋我一齊去學野同去玩!!

不過我最中意既,係佢真係心思好簡單,唔會有想呃人或者搵我著數既心,所以同佢一齊真係好舒服,同埋我都當佢係我個妹+好朋友咁樣啦~

好多野想講,但係唔知點解突然間唔識點講好TIM...可能識到好朋友既感受真係好難用文字去形容呀!!不過其他網友仔唔好覺得我偏心,淨係提MAGGIE唔講你地,其實包包,CHING YI,CARMEN,阿KWAN,仲有好多之前同最近識既網友仔,我每一個都記得,只係咁岩最近見得MAGGIE多,突然想打番篇關於佢既BLOG呀!

識到咁多朋友,好想保留同你地每一個既關係!未減完既記得每個星期,或者每兩個星期都比我見一次,起碼都比我知你地減成點呀!

就算係減完既朋友,都希望你地減完肥唔好唔記得我呀!因為你地每一個人,無論減得好唔好,有冇比心機,我對每一個都係盡左心去幫手呀!所以你地唔好唔記得我呀!

黎緊要識更多新既朋友,同埋要保留住每一個認識左既好朋友!^_^

題外話:我今日發現左...MAGGIE條腰出番黎呀!!連佢D朋友仔都係咁講!!你要繼續努力呀!遲D你減完要你著三點式架~~~XDDD