係講我想講既野之前,今日真係要同我既朋友仔講聲唔好意思,因為今日本來大家約埋我一齊出黎幫我地既朋友慶祝生日,不過因為我做野做到好晏,同埋上左成日堂,我把聲已經沙左同喉嚨痛,所以真係冇辦法JOIN你地既唱K PARTY!

係度同你地講聲:MEI YAN同TOMMY仔,祝你地生日快樂!!希望你地收到我既心意啦!><

-------------------------------------------------------------------------------------------------------------------------------------------

講番我想講既野先!呢期我比較留意既人物,就係我既MAMA!!

識得我耐既網友仔都知,我MAMA開頭係反對我用產品既人,一來佢覺得「我用呢D野減唔到」(PS:唔知係對我定對D產品冇信心...=0=)二來佢又會係咁比野我食,覺得我食多D會健康D!!(拿~~~我要澄清,我係有食其他野架~~只係阿MA見我飲SHAKE,覺得我唔夠營養同唔夠飽!!)

由於我MAMA係D聽人講唔聽我講既人(PS:應該咁講,同一番說話,人地講就係事實,我講既就係發UP瘋!)所以我真係冇辦法,只可以用自己既行動去證明我用緊既野真係WORK同對健康有幫助!!

我好記得,前兩年既夏天我減瘦左之後,著左件貼身既T照鏡,一路就同我阿MA講:「哈~~我真係瘦左呀!!」果陣都冇咩特別事發生,只係過左一排,佢就同我講:「朝朝起身整麥皮好煩呀~你果D係咪有營養同減到肥呀??我依家同你用下啦~~=0=」

就係咁,當時唔識幫人減肥既我就帶左佢去見幫我減肥既ANNA,當MAMA了解左D野係對健康有幫助之後,佢就一路用到依家LU!^_^

其實我MAMA一路都係圓圓地,我都好想佢減!!只係佢真係好中意食野,所以冇的起心肝減!!><

我想佢減,唔係因為靚唔靚,係因為有時聽到佢講,話行路行到隻腳好痛,所以我想佢減輕D身體既負擔,唔好搞到自己行路咁辛苦!

雖然佢唔係用D產品減肥,不過好神奇地,佢都瘦左少少!(PS:係D好耐冇見既親戚講,唔係我吹水架!!)

既然佢冇心減,我亦都唔迫佢,由得佢一路當個代餐係健康早餐咁用!不過近期唔知佢受左D咩刺激,竟然問我個代餐點減背脊!(PS:因為我早幾日提過,公司有個朋友用另類既份量去用產品,個肚腩瘦到超快!!所以佢就問我有冇D咩針對背脊LO!!@@)

跟住今日又無啦啦問我:「咁我食野之前飲杯SHAKE,係咪幫到減肥架??」哈哈~我都唔知點解佢突然間會咁!不過既然佢有心減,我就實會幫佢呀!黎緊我會帶佢去我果區既早餐店度飲下野,等佢飲下人地沖既SHAKE係點!(同埋ANNA黎緊會黎做交流呀~順便等佢都可以見下我MAMA!^0^)

後記:我MAMA依家已經係產品既愛好者之一!佢好搞笑架~次次我食野佢都會話:「食左吸油果D營養片呀??」又或者見我朝早食左片之後好耐都未食野,佢就會話:「你食左片咁耐都唔食野既??咪哂左D片LO!!」

希望我MAMA用產品可以KEEP住健健康康,因為佢仲要等我買間靚屋比佢住,同埋請個工人照顧佢架~~你最低消費都要同我係度繼續生存多5,60年架~~^_^