之前我都係blog度提過,黎緊會帶我既mama同阿妹mandy去我個區附近既營養店度食野,今日終於都起行左啦~

其實呢個半日都冇既行程之所以會出現,係因為我同阿ma提過,話營養店d shake同我地係屋企沖既有d唔同,因為人地會有心機d,會加埋生果同六穀米等等既材料去整!咁我阿ma就好好奇咁問:「乜d粉加埋米食得架咩??咁咪即係要煮飯??得唔得架???咩味架?????」

基於佢咁多疑問,我就直接帶佢去營養店度食野!!

咁又關我阿妹咩事呢??冇咩既~~我話請埋佢食佢咪跟住黎lo~~~(ps:唉...我係果d預左會比阿妹搵笨既人~~~算啦~~~=0=)

今次係阿ma第一次黎營養店,佢個感覺都幾好呀!覺得幾舒服!!咁岩anna今日黎左呢間營養店度做交流,所以就順便等兩位家庭主婦溝通下!!^0^

除左飲下shake,店入面仲有個磅,係可以check到好多身體既狀況,例如係基本既體重,仲有脂肪、肌肉既比例,飲水量,新陳代謝等,最好玩係可以check埋個生理年齡呀!!

我地三個都有玩,相比之下,原來我既狀況係最好呀!雖然唔係最標準,但係我好多樣野都貼近標準,最開心係我既生理年齡係得17歲呀!!!我見到真係開心到爆~~~原來用多左產品,身體既狀況真係會好好多架!!!

相比之下,mama既脂肪真係偏高,因為佢成日都食野,冇咩節制,所以令佢既生理年齡都比實際既年齡高左!!我地都話,佢既年紀真係要保養呀...如果唔係就會影響健康!!><

至於mandy,其實佢都仲要再減下呀...生理年齡都係比實際多左d!(ps:佢話開頭玩減肥比賽果陣仲差得遠呀...依家已經進步左,d距離已經近左wo!

題外話:咁岩店入面有個姨姨係識得睇人面相,佢話我係事業心比較強,同埋有要求,所以會不斷咁比自己向上走,所以我會遲結婚,仲話我將來會叻過我老公,連老公都管我唔到wo@@

不過我覺得又真係岩wo!如果呢番說話係早2年講,可能就唔準...但係人既心態係會影響埋你既面貌,又真係講岩左我依家既心態呀!^0^

反而我阿妹就同我相反lo...又係同樣道理,早兩年咁講既,我就覺得唔係,因為我覺得我阿妹不嬲事業心係重過我架!不過可以依家有個好穩定既男朋友,所以心態唔同左lu!^0^

個姨姨仲比左d意見我地,等我地注意外觀上既事,令個運程會順d!(ps:呢d係個人意見,我唔會導人迷信架~~~@@")

除左呢d收穫,最緊要係我了解多左我阿妹想點...呢樣野就聽日再同大家分享啦~^_^