各位各位~~我番黎啦~大家有冇掛住我呢~~

呢3日都去左澳門,因為公司有個3日(不過我只係去2日)既TRAINING,所以我今次就同哂公司既人一齊去LU!

今次我地係住威尼斯人酒店!其實早兩年我已經黎過一次,不過果陣都仲未起好哂!所以今次再黎,呢度都已經唔同哂啦~~真係好好好大同好好好靚WO!

第一日到左果陣,我地首先去左參觀澳門既營養店先!我地成30幾人去佢地鋪頭,搞到佢地超忙呀!連鋪頭出面D人都係度睇下我地搞乜鬼!(PS:其實有鋪頭D相架!不過係哂ANNA度,遲D先比番大家睇!)

我地參選完之後,就要去會場度拎入場既證!我今次因為符合左公司既資格,所以可以坐VIP既座位,同埋仲可以去參加PARTY呀!

呢個就係入場證同PARTY手帶呀!有佢地先有得入場!唔見左要比成200蚊美金!(即係成千幾蚊...= =)

跟住就要CHECK IN,入到房果陣....間房真係好大呀!!係可以訓到5個人架!!

因為D相係ANNA度,我淨係用手機影左我間房張床!

係咪好正呢~~

其實第一日係ANNA佢地先要去既TRAINING,所以我地拎完野之後,ANNA佢地就入左會場先,我就同其他人一齊出左去食野呀!

我地出去酒店果陣,問左酒店D人有咩好野食推介,咁佢就叫我地去食豬扒包!所以我地全部人就一齊去左食包包LU~~

去到之後,我地先知原來個豬扒包係有分菠蘿同法式,而法式係要等到佢既出爐時間先會有!(大約要等15分鐘後啦~~)法式唔單止要等,仲要冇得落ORDER,要自己出去排隊買!因為我同兩個朋友仔都好肚餓,所以就話食菠蘿果隻就算!

點知....菠蘿都等左十幾分鐘先有!!仲要個包係凍既TIM!早知就等法式果隻啦....因為法式果隻係新鮮出爐,好食好多呀!

呢個包係豬扒夠大LO!但係下次再食,就要食番法式果隻呀!

食完包包之後,我地走左去搵甜品食!我地見附近既榴槤雪糕同大菜糕都好出名,所以就去左買黎食呀!

呢個係榴槤雪糕!其實我冇話中唔中意食榴槤,不過見佢出名就試下LO!都幾好味呀!但係細杯左D...盛惠12個大洋!=V=

大家食完之後,就諗住行下睇下手信!順便我地又走左去試食!!跟住我都買左少少野呀!(留番D過兩日買嘛~~~)

我地行行走走左一段時間之後,都差唔多係ANNA佢地開完會既時間呀!所以佢地就話一齊食飯!

EVAN總裁佢地提議我地去一間葡國餐廳度食野!所以我地成班10幾人就去左食晚餐!

今次叫左勁多野食呀!不過大家都掛住食,所以都冇影相!但係D野食都好有水準呀!唔錯!^0^

食完野大家就番酒店LU~要準備第二日既TRAINING~~聽日先再同大家分享!^^

PS:聽日又係減肥比賽既日子啦~~唔知大家減成點呢??大家要加油呀!^_^