講左話唔做正職已經半個月啦~即係話我做多半個月度,就會正式投入營養店,做一個新既開始!^_^

其實陸陸續續都有同d學生同家長講,話黎緊會有個新既miss教佢地呀!不過話哂都教左咁耐,有d學生或者家長都會唔捨得我,想我繼續教落去!

開頭我同中心既同事講,話我黎緊會唔教果陣,佢都話我襯細個出去做下生意都係好事,因為都仲有咁既勇氣出去試下!不過佢都話,其實佢係想要個熟手既miss幫手,所以佢都話,如果我營養店既生意穩定左之後,就隨時可以打電話番去搵佢教琴!

其實我同同事講離職之前,有d學生係想轉時間,不過同事知我就唔到,就同學生講,話要轉老師先得!咁佢地就話寧願就我時間,都想跟番我學!

佢咁講我真係好開心呀!因為證明我呢幾年係度教真係教得唔錯,大家都真係好中意我!搞到我講唔做果陣,真係有d唔好意思呀....好似辜負左大家既一番愛護!

不過....我都要為自己既將來打算呀...所以...唔捨得都要出去比自己試下!>0<

今日又同d學生講我唔教果陣,有個小學生同我講:「下...你真係唔教呀??咁可惜??點解唔教呀??繼續教得唔得呀??」

平時佢係個好唔乖既學生黎架!我冇諗過佢會唔捨得我!不過唔緊要~因為我已經同所有學生派哂新卡片,大家想黎營養店探我,都可以打個電話話我知呀!

ps:我黎緊做既係大埔營養店呀~大家想黎探我既,可以pm我,又或者add我msn or e-mail比我話我知!咁我就比個地址大家搵我呀!^_^

聽日約左我既中學同學仔去營養店一齊飲野~希望幫到佢啦~^_^