話咁快,個減肥比賽就過左一個月LU~~

回顧番呢一個月,其實我覺得最開心既,係我自己!

點解咁講?因為我教琴既關係,其實幾乎係「斷六親」咁滯!因為我既工作時間,一定係人地得閒既時間!咁我D朋友仔就當然係響我工作既時間先會得閒啦~~變左D朋友仔都唔係次次約到我出黎!@@

另外,因為我既工作係冇咩同事(其實都係我自己教,都真係冇同事架....),又識唔到朋友,所以真係好悶,同埋令到我個人係呢兩三年間好快咁成長!正如ANNA咁講,我已經冇左廿幾歲果種細路女既感覺,因為我既工作同經歷真係迫住我去成長!

不過...最近番左減肥比賽真係好開心呀!大家一齊減肥,互相都有推動力!!

最開心既,係見到我既網友仔,大家由唔識變左識,真係好開心!!因為我成為左佢地做朋友仔既橋樑,幫到佢地搵到更加多既快樂!^_^

可能因為呢兩三年既「自閉式工作」,令到我本身靜既性格更加變質,我真係有段時間係唔想見朋友,淨係想自己一個人做下自己既野!!

我開始覺得係病態啦~~~要SAY NONONONO啦~~~~><><我唔想咁後生就變到好似獨居阿婆咁呀!!所以依家我選擇左幫人減肥真係冇錯!!因為依家我多左好多朋友仔,同埋我D仔仔女女呀!

依家我已經慢慢改緊自己D性格,希望可以更加融入大家!^_^大家要多多包容我呀!!

同埋講下今日減肥比賽既成果!大家今次真係跌哂眼鏡...最為食既MAGGIE,今次竟然係幾個減肥朋友仔入面,係減得最好果個,係減左一點幾KG WO!!!最開心既係...今次抽獎仲抽中左佢呀!!依家佢好似比人燒著左咁,誓要下次減得更加好!!!

你地要繼續努力呀~我睇好你地會拎到頭三名架~^0^