YOYOYO~~~終於完成左第一個星期係營養店既實習LU~

呢一個星期真係好開心呀~因為鋪頭既人個個都好開心!又好肯教我野!^_^

同埋我都開始同鋪頭既客人熟左,所以都聽多左唔同既故事!例如有D朋友仔食左10幾餐之後,就慢慢見到效果,好似係瘦左呀,皮膚緊緻左,又或者係健康左,白淨左!

同埋有D新既客人,係因為用左兩三餐之後,覺得排毒好左,又或者輕左少少,所以就繼續黎食早餐,我又多左同佢地傾下計,慢慢又識多左朋友仔~^_^

就算我有朋友仔係買左家庭裝番去用,有時我都會叫佢地黎鋪頭坐下傾下計~因為都想佢地學下人地,點解可以減得咁好,又或者咁健康!

依家真係學到好多野架~~好似原來食麥皮都可能會肥啦~糖尿病人有D咩唔食得~腸道如果係便秘,可以引致D咩嚴重既病等等!學完之後,除左對我黎緊幫人有幫助,仲提醒左我,健康真係好緊要!如果唔留意,後果真係可以好得人驚....

除左客人,我亦都好開心,大埔店既咁多位同事,你地真係好無私好幫手!就算有D同事唔係果位客人既健康教練,佢地都會好願意一齊傾計,為既只係想果位客人用得更加好!

所以...我覺得自己係鋪頭入面真係笑多左同開朗左!因為鋪頭入面既朋友仔個個都好開心!

下個星期我要更加努力,希望黎緊鋪頭入面,可以坐到由我做健康教練既客人~~YEAH~~~~^0^

聽日要開店主會啦~要做我第一個既檢討!希望可以繼續進步!^_^