逢星期六就係各位店主開會既日子!雖然我都仲係實習中,不過都要番去!因為我都要為自己做一個檢討!睇下仲有D咩改善同進步既空間!

今日都好專注聽各位既分享,咁當然我都有分享番自己呢一個星期既實習成果呀!

檢視番呢一個星期,我真係覺得自己係營養店做得好開心!一來真係識多左好多朋友,二來真係睇住呢間鋪點樣幫左好多人減肥同健康!我相信我都可以透過呢間店,可以幫到我自己住既社區入面,有更多更健康既朋友!

完左個MEETING之後,我又同MAGGIE傾左一陣計,因為佢係營養店度做野遇到D難關!希望頭先同佢傾完之後,可以幫到佢繼續行落去!^_^

之後我仲要等埋另一個網友仔米線黎度身先走得!今次米線好叻呀!減左3吋肚腩!!!真係好好好勁!!!呢個真係好大既鼓舞呀~~令我更加肯定,D產品真係幫到人減肥架~~^0^

搞掂哂D野之後,我又要做D平時好少做既野...就係....扮~靚~靚!

點解要扮靚靚?因為黎緊既18號係公司18週年紀念,公司好好呀~BOOK左係尖沙咀THE ONE度食飯,仲比我地行紅地毯!!!因為咁隆重,所以我地CENTRE約定左,全部女士都要著拖地裙去!

因為真係唔知著咩好,所以就同左大埔店既店主阿LING佢地去左尖沙咀附近睇裙!不過...我仲未揀到呀..可能過幾日要再出去睇!

唉...今次咁GRAND,所以一定要諗埋化妝同SET頭!!對我黎講真係好有難度呀...因為我真係唔識!!

我都諗緊搵朋友幫我手化妝同SET頭,不過唔知佢得唔得閒呀...如果唔得既..我都要自己諗下點算~><

不過依家當務之急...就係要減減減減肥!!!!因為一定要用最FIT既狀態見人~我黎緊會狂用產品架啦~~~大家一齊減啦~~^0^