自從係幫人減肥同健康呢條路上面選擇左全職,我發覺我真係忙左好多!!

可能係因為以前教琴既生活真係好悠閒,時間又唔長,所以突然間轉變左個工作模式同時間果陣,真係唔係幾慣!

最大既習慣轉變就係早睡早起!(PS:其實係好事黎既~~夜訓始終都身體都唔係幾好!!)所以依家已經開始想訓....(不過都要打埋BLOG先呀~唔打好似爭D野未做咁...=V=")

除此之外,全職左之後,都真係好多會要開!所以都幾忙下!

因為之前已經升左一級既關係,好多會議都合左資格去,連帶學習既機會都多左!係學習同工作兩樣一齊做既情況下,真係需要好強既動力同堅持先可以做到!!><

依家真係好佩服公司既各位同事,因為呢份工作真係需要成日保持住係好精靈既狀態!(PS:因為係自己生意,做到幾多就收番幾多!!)真係少D精力都未必做得到!

雖然開頭有D唔慣,不過我覺得,短短既兩個星期,我已經感覺到自己既個人成長左唔少!因為好多事都要自己決定,同埋最緊要既一樣野就係----堅持!

其實任何事都好,如果做幾日就放棄,咁就一定唔會有成功既一日!尤其呢個係自己既生意,如果唔落力做,仲可以等邊個出糧呢??

就係因為堅持,我先可以減到25磅...就係因為堅持,我先會係網上日日都打BLOG分享自己既減肥事!!就係因為堅持,依家先有咁多朋友仔跟住我減肥!而佢地既堅持,就成就左我既成就,令我幫人減到既磅數越來越多!!

好多謝自己既堅持...依家先識到一班志同道合既減肥朋友仔!亦都好多謝你地既堅持,可以成功咁瘦到,亦都令到我搵到自己既成就同人生目標!

既然係網上都幫到人,咁我相信係營養店入面,我都一樣可以幫到更多既人,好似我咁樣,又FIT又健康既!

總之都係果句~堅持一段時間,唔會比自己因為小小既難關而放棄!加油!!><