全職幫人健康同減肥,已經接近一個月啦~我諗最大既得著,係做任何事都要思想正面,同埋要學識點做一個領袖!

因為幫人減肥真係一件好講EQ既事!有時佢地減得好,我又會好開心!如果佢地唔比心機,有時我都會唔係幾開心!不過...作為佢地既健康教練,我唔會罵佢地,只會諗下點樣可以鼓勵佢地,令佢地減得更加好!

最高既EQ,係要接受一個朋友自己放棄自己,唔再減落去!有時真係覺得好可惜...因為明明已經用到有效果,但係因為佢地唔再堅持,令到原本減得好好地既過程就咁停左!

雖然係咁...但係咁都唔會令我非常唔開心!因為呢個係佢地既選擇!同埋...我都仲有好多認真既朋友呀~我會繼續幫D認真既朋友仔減落去架~^_^

作為所有減肥朋友既領袖,我永遠都要保持住一個樂觀同開心既狀態!所以大家永遠都會見到同聽到我講既野都係正面!因為我唔想因為自己既情緒,會影響到其他人既成果!同埋我都相信,所有人都鐘意人地鼓勵同支持!所以減得好既,我一定會讚!

就算成績未夠理想,如果佢仲係認真既,我都一樣會鼓勵佢!因為我都有經歷過減肥既階段!有人支持真係會減得好好多!我都係咁先減到25磅,所以我都希望我既網友仔都可以好似我咁!><

所以各位,係我未放棄你地之前,你地係唔準放棄自己,一定要減到最好比果d笑我地肥既人睇!!

雖然一個出色既領袖,要有高既EQ!不過,...我始終都唔係機器,我都會有情緒,亦都會想自己軟弱既時候,可以有人支持!不過我自己比自己分既,我覺得我已經盡量控制得好好!

如果大家想比力量我,就希望大家要減好D!好似尋日CHING YI瘦左,CELINE又瘦到,令到原本有D攰又有D唔開心既我,又加入左新既力量!咁我又好有動力再去工作同幫人呀!

多謝你地既努力呀~我都會繼續努力,唔會因為小小既打擊而影響我既專業!大家放心啦~^0^