人生,總係有好多選擇,決擇唔同,結果都可以好唔同!

最近同一個好耐之前識既減肥網友仔MSN,其實佢之前有跟我用緊產品架!不過用左一段短既時間之後,佢又停左冇用!

點解我會咁記得佢?因為其實佢係同我既另一個減肥網友仔CHING YI係差唔多時間識我,佢地兩個果陣都有見過面!

不過...果位網友仔用用下就冇用,而CHING YI就係決心咁用好,所以...依家CHING YI已經減左30磅,而果位網友仔,佢話我知佢最近好似食肥左好多...黎緊想再搵番我幫手!

所以,原來一個決定,可以令兩個人既情況完全不同!!

當然,有時D決定,我地都唔可以話係岩定錯,因為冇人會估到個結果係點!尤其係一D人生既決定,唔係話我地預期係點就會點!

今日聽MAMA講,有個女仔就係因為一個決定,揀左一個唔適合自己既人..亦都係一個決定,毀左自己下半生既幸福...

同樣都係決定...不過有D野決定錯左,就真係冇得番轉頭!但係...冇得後悔呀...一個人做得決定,就要預左承擔後果!所以依家我每落一個決定都要諗得好清楚,盡可能都唔比自己後悔!

平時都好少係個BLOG度講感情事..因為聽得多身邊既人既故事,就更加覺得感情呢樣野好唔踏實..呢一刻都係工作岩我多D!

如果我有幸,有機會結婚生仔既~(哈哈~真係唔知有冇咁既機會~XDD)我會話比大家知架啦~依家努力幫自己同大家減肥係最實際!

報告好消息:經過一段時間既努力,依家我個PATPAT細左呀!同埋腰呀肚腩果D都減左!!(我阿妹都話覺呀~~~)我黎緊要繼續減埋大脾果少少,一定要減到最FIT為止!!^0^