本來今日想休息一日,不過...唔打好似好對唔住今日黎搵我既朋友仔..所以..都係打番D令大家都開心既事比大家知!^_^

今日除左減肥比賽既幾位朋友之外,係減肥比賽開始之前,第一個黎搵我既網友仔係VANESSA!

原來唔經唔覺,我同VANESSA都識左成8個月呀!雖然中間既過程,佢未係最盡力去減(因為佢係果D星期六日會連減肥大計都放假既人黎架~~),不過佢又好堅持WO!就算係減得慢D,佢都冇諗住放棄唔減,咁樣斷斷續續,就減左一段咁長既時間!

其實如果係快既,佢可以好快就減哂呀...只係...欠一個非減不可既理由,令佢行得好慢....VANESSA你要努力呀!

不過佢D朋友都話佢瘦左呀~仲吸引都有位朋友同佢一齊減!所以佢都好叻女!^_^希望黎緊你會快D有好成績!(其實今次又瘦左一磅,都好好呀!^0^)

另外,有一位睇左我個BLOG一段時間既網友仔JESSICA,今日都出左黎搵我減肥呀!

其實..有時真係唔知D朋友仔係幾時開始睇我個BLOG,又係幾時先決定搵我幫手!不過...只要係需要我幫手,我都一定會盡力協助!

JESSICA其實係好想減呀~不過佢都怕自己食得多野,又怕自己冇恆心!

但係我都同佢講..呢D都係我地減肥有既問題呀...只要有決心,咁就咩問題都唔係問題!!加上包包既網友仔,另一位VANESSA今次都有黎!同佢磅重之後,佢話有瘦到WO!(因為我冇佢既RECORD呀...)所以都鼓勵番JESSICA要努力!

你地咁有心,實會減得好好呀!^_^

講番減肥比賽既幾位朋友...其實對住佢地,真係唔知點講好..因為當初佢地個個都減得好好,好有HEART減果陣,大家互相鼓勵,令到大家都有好成績!

但係..依家一個HEA,就全部人都HEA...其實呢個唔係當初我想佢地咁FRIEND既結果,我想佢地係互相支持對方,而唔係越來越消極呀..(呢樣就係我唔想打今日篇BLOG既原因...)

不過呢個我都控制唔到..畢竟最終減肥既係佢地,我都冇可能要佢地一定要好有心減先得!只係..因為佢地好多都係屋企人比錢佢地減,我真係唔想屋企人覺得,佢地用產品減肥係唔WORK,又或者覺得我地係呃左佢地既仔女,比唔到效果佢地!

更重要既係,屋企人搵錢係好辛苦...我唔想佢地浪費左屋企人當初比錢支持佢地既一番心意,因為咁樣係間接破壞左屋企人當初對佢地減肥果份決心既信任!!

對住佢地冇得罵,不過對住我阿妹既,我就一定會話佢,因為佢減肥既錢係阿媽比,我唔想佢浪費左阿媽比出黎買產品既錢!

我當佢地每一個都係朋友同屋企人,希望佢地唔好覺得我地煩,因為真係真心想佢地好!

希望黎緊唔會再有呢D問題出現啦..