最近真係好好好忙...又要照顧一班減緊肥既朋友仔,又要番公司幫手減肥比賽(PS:大家都知我有朋友仔參加左減肥比賽呀..所以都要照顧埋佢地!!)又要番公司上堂同開會,所以呢個星期差唔多日日都要番公司有野做!

加上我本身仲有PART TIME教緊琴,仲教緊一班跟左我學超過3,4年既學生!(PS:果D係唔捨得放低呀..話哂教左咁耐..所以教得到都想教埋!!)兩樣野兼顧之下,所以最近真係忙到一頭煙....

雖然係忙,不過都忙得開心呀!因為一來自己又學到好多野,好似係D減肥既知識,同埋健康既資訊,我都真係聽多左唔少!!好多野原來都係聽人既經驗,仲好過死讀爛讀咁讀哂D料,再背番比人地聽呀!所以我成日都向D有經驗既朋友請教同偷師,希望自己可以學多D野,又可以幫到更加多既人減肥同健康!^_^

雖然工作可以令我既時間好充實,亦都好快會淡忘之前一D唔開心既事,不過做得耐都會攰呀!尤其係依家我要做兩樣野,就係會用多好多體力同心力!所以最近有兩樣野真係好想做...

1)好想去踩單車(因為可以好自由咁同圍踩,又可以比自己接近番大自然,可以放鬆下自己!)

2)好想係聖誕其間去迪迪尼玩!(哈哈~係咪好有童真呢??我真係好中意係入面周圍玩同影相架~~覺得好RELAX!!)

不過...呢兩樣野都係搵人陪我一齊做先有意思呀..唔知有冇機會做到呢?