本來今日想講下我D朋友既減肥事,不過今日睇到個好得意既文章,想同大家分享下!
hk.news.yahoo.com/article/101205/23/lm4l.html
其實依家女多男少既情況真係好普遍,仲要係有能力,有錢有地位既女仔,比起男仔仲更加多!!所以講到依家D女仔想搵男朋友好似好難咁...
在我黎睇,如果我係未拍過拖既,可能我都會幾擔心呢個問題...因為會怕自己嫁唔出呀..又或者會冇人錫,又或者冇個男朋友拖出黎,好似爭少少咁!! 不過...出左黎做野之後,有左經歷,就知其實拍拖唔係真係大過天,因為如果呢個男仔係好既,佢真係可以令到自己既生活更加好,會令自己有更加多既成長同愛護!
但係...如果個男仔係唔好既,就真係會累自己一世!咁就不如唔好拍啦...如果唔係真係會玩死自己...自己又無啦啦好似多左個仔咁,仲要照顧埋佢,佢又一味淨係識要你照顧!!咁到時真係搵黎煩!!>0<""
所以依家我都幾ENJOY單身既生活,因為覺得自己一個人已經可以過得好好!
點解咁講?咪就係響我最唔開心既時候,屋企人係對自己最好既!朋友又係比左最多既關心,第一時間SMS同留言比我,關心我同睇下我有咩需要!呢一刻真係好SWEET同好WARM呀!
我都要係度同咁多位關心我既朋友講聲:多謝你地呀!我收到哂你地既祝福!我會繼續努力架~^_^
同埋多謝你地讚我瘦左靚左,個個都話我值得搵一個更加好,令我覺得自己單身呢個決定真係冇做錯!
所以係度都想同咁多位姊妹講:只要令到自己變得更加好,令到自己都好中意自己既,咁就唔洗擔心冇人會中意自己呀!因為...呢個咁好既自己,人地都唔欣賞既,就係人地走寶!!唔係自己有損失!所以....我會繼續做個更愛自己既人!^_^
| 
)想黎搵我幫手或者探我都得呀!^^PS:其實仲有其他分店呀~大家mail再問我!!^^)
