好耐冇分享我係營養店既生活啦..今日真係講番少少!

其實最近我都好努力去做宣傳,希望可以多D朋友知道有我地呢間營養店既存在!(因為我地間鋪唔係響旺鋪果度,所以好靠我地既宣傳同大家飲得好之後,口碑一路咁樣傳開去!)

我地係點樣做宣傳?其實係靠派傳單呀!不過係呢個過程入面,其實我都要克服一D心理關口...就係要唔怕面懵,唔怕見到熟人,唔怕人地唔接單,仲要接受D人丟左你張單!!

講真,冇番咁上下EQ,其實真係會灰心...但係...呢段時間,我明白到一樣野,就係越難既事就越要克服佢!因為只要跨過呢個難關,我先會有成長!

所以呢段時間,我都SET定左自己要去派幾多張單,因為我唔想比自己逃避問題!(YEAH~~識得咁諗,即係我又大個女啦~)

依家既我,已經可以好熱誠興奮咁去派單,加上目標好清晰,就係要邀請到朋友上黎,要幫到佢減肥或者健康!所以呢個星期都好好呀!有幾個人收到我D單,都打電話黎話搵我,今日仲有個朋友拎住我張單黎搵我食健康餐呀!真係好開心架~~因為呢個係自己努力之後既成果!!

所以我會繼續努力架~~同埋以上既鼓勵,都係同各位減緊肥既朋友仔講架!越難克服就越要面對佢!!因為當你真係面對左之後,你就發覺...其實...都唔係咁難JE!

係呀~~今日上環又有新既營養店開張啦~~係我地CENTRE既第7間!今日去左賀佢地呀~比幾張相大家睇下先得!(都係求其影左幾張...多數既相都去左ANNA個相機度!!有機會再比大家睇!)

今日好似好多人黎過上環店恭喜佢地呀!聽講超過100人!!真係超熱鬧!!@@

呢個係水吧位!

佢地自己整既餅餅!真係好有心思呀!^_^

黎緊我都會公開埋D分店既地址(不過都要問埋D店主可唔可以先!)到時大家唔單止係大埔,如果你地係響呢幾個地區出沒,又想試我地既健康餐,只要講係大埔店WINNIE介紹,就可以有優惠呀!!^0^到時再話比大家知!