之前我都好似有提過,我地最近都要周圍去其他區既營養店度做交流!今次我既目的地就係元朗啦!

今次係第一次係元朗營養店度做交流!真係覺得好開心呀!!因為佢地鋪頭本身成過千呎,人又多,所以真係好旺場!

今日我去到主力做既野就係....講故事!!講咩故事??之唔係就係我既減肥故事LO!!

因為鋪頭好多客都未見過我,所以我今日不斷不斷咁分享自己既故事!!真係將我一個月要講既野都係今日講哂咁滯!!

其實黎得鋪頭,我都預左要幫手架啦~因為我地都冇話會分呢個客係咪自己既!如果自己既故事可以幫到人地減得更加好,咁我都唔怕講多幾次呀!^_^

好似今日有個80歲既婆婆,佢話我知佢係幾個月前開始飲呀!佢仲重覆講左好多次話佢飲左之後,覺得條腰骨好左TIM!

跟住我又主動同好多朋友傾計!(PS:以前既我真係唔會咁呀!XD)其中有個著校服既妹妹,我見佢自己坐埋一邊唔同人講野,坐果陣都係用個背脊對住人架JA!所以我都主動走埋去介紹自己,同埋同佢傾計!

可能因為佢同我之前既背景好似啦~都係學生果陣先識到產品,而且又係屋企人反對TIM!所以都好想可以幫到佢呀~我都分享左好多自己既野比佢知!

跟住好得意呀~之後既時間佢都好開心咁,仲主動比佢D姨甥仔女既相我睇TIM!我自己覺得...原來真心同人地分享,人地真係會感受到架!!可以幫到佢我都好開心!

同埋..我發現左一樣野呀...就係佢地將我減肥前後既相貼左係一個好重要既位置度呀...係邊度?之唔係.............廁所LO!!!真係多謝你地咁睇得起我呀!將我放係個咁重要既位置上!!(PS:因為大家飲左產品,正常都要去排下毒呀~~咁就一定見到我啦~)(PS:大家知唔知係邊張相呢?唔知就自己去睇下啦~~http://blog.qooza.hk/beautywin88?eid=18607804&mute)

講左咁多野之後就梗係肚餓啦~~不過我都係黎到先知,原來今日元朗店搞生日會+做冬!所以今日大家都拎左好多野食番黎呀!!所以我就梗係唔執輸,食左好多好野啦~XD

比大家睇下個場景先~~

今日真係好多人呀@@

大家準備放好D野食開餐呀!!

食啦食啦~XDDD

之後就...冇影相啦~~因為要忙住搏殺!!XDDD今日真係食左好多野呀~~冇諗過今日黎到會有野食架~~真係多謝你地既招待!

今日真係好開心呀~希望下次再有機會去你地鋪頭度幫下手!^_^

同埋今日我完左係元朗店既工作之後,就出左去見一個新識既減肥網友仔呀...不過今日唔夠時間講LU~留番聽日先話比大家知!^_^